انا والده قيصري من 15 يوم واحس فيني هواء تكفوون الله يريح قلبها اللي تساعدني

السلام عليكم





الله يجزي من ترد علي الجنه وتفرج عنها همومها




انا اول مرة اولد ببكري وقيصري وكان نفاسي عند هلي ..وامي تعبانه الله يشفيها ويعافيها فكنت مومهتمه بنفاسي واموت جوع




واليوم لي 15 يوم واحس زي الفقاعات الصغار تطلع مني من تحت زي الهواء بس بدون صوت واحس فيني رطوبه من تحت

مدري هذا هو الهواء اللي يدخل النفاس ..؟؟وموعارفه السبب ليه دخل فيني ؟؟ويمديني اسوي شي عشان يروح


الله يسعدكم ويوفقكم ساعدوني

6 تعليق 4,514 مشاهدة

شاركي في النقاش

سجلي الدخول لإضافة تعليق.

التعليقات

6
  1. @albndrry

    هلا ومرحبا اولا مبروك ماجبتي والله يشفي امك يارب
    بالنسبة لما ذكرتي نعم هو الخراب لازم تبادرينه من الآن
    اشربي حلبة هالايام اطحني مقدار معين من الحلبة وحطية في علبة عند راسك والصبح حطي منه بالحليب وبالليل لازم تحطين كاس حليب وتحطين ملعقة وسط من الحلبة
    واذا جيتي ام 20 يوم اتركي الحلبة وابدي بالرشاد حطي عند راسك علبة وحطي في يدك مقدار ملعقة واشربي عليه ماء بالصبح والليل قبل ما تنامين نفس طريقة الحلبة بس هذا بموية
    والصبح بدري حطي قرص وصبي عليه شوي سمن وبصل وفلفل اسود وكولية وتغدي عادي والليل لازم تشبعين
    وان شاالله راح تطيبين ويروح كل هذا عنك
    بس داومي عليه انتبهي لنفسك ترا الرجال يعاف الجحرمة بعد النفاس احيانا وراح يطلع منك اصوات تحرجك معه
    وبعد النفاس انتبهي بتجيك اخت النفاس سوي فيها مثل النفاس بس ثلاث ايام حلبة وثلاث رشاد واشربي قشر القهوة
    والله يشفيك ويعافيك وامك وامي وكل مريضة يارب
  2. @gogo2006_1

    حبيبتي انا هم ولادتي بولدي قيصريه بس اكو دوا الوالده تشتريه من الحواجين الي يبيعو البهارات اذا صح التعبير اسمه حسو وهو عباره عن مجموعه من البهارات واسالي عنه وعن طريقت العمل يعني شلون تسوينه اسالي العطار واشربي منه و*****الله يروح كل الهوا منج انا كل ولاده استعمله والحمدلله ماكو شي اتمنا لكي الشفغاء والف مبرووووووووك على الولود
  3. @klby_maa_almsafr

    ترا عادي القيصيريه يجي هواء كثثر بالبطن لان البطن مفتوح طول وقت العمليه والامعاء تتغير
    بس عليك بالحلبه وتغذي كويس والله يفرج
    عليك

تابعي تجارب أخرى من هذا القسم.