يآبوي أنتي لازم تتكلمين بحزم معه وتقوليله خلاص انا طفشت ماعاد اقدر اتحمل وقوليله انك بتروحين عند اهلك واحزمي شنناطك وعفشك وخليه يشوفك ترتبينها وانك جاده وماراح ترجعين وروحي لأهلك ولازم تدخلين أبوك الموضوع ماينسكت عنه ابدا حدك معه بالبدايه وترى لاشافك كذا ساكته ومسلمه بالموضوع صدقيني راح تتمين طول العمر معه كذا انا تزوجت وانا اصغر منك تقريبا 15سنة والان عمري21سنه زوجي نفس زوجك وصارت بيننا مشاكل اكبر من كذا وسكت وصبرت 6سنوات جبت منه بنتين وتعود على سكوتي وماصار يهمه رحت طلعت عند اهلي تعدل اسبوع وجاب اشياء اقل مايكون من واجباته لبيته ولنا وفوق هذا مستلعن بعد هههههههه شر البلية مايضحك وصبرت اسبوع ياحليله بدى يتحلى وبعدها قلب لما شافني رجعت له وسكت على اللي جاب يسكتني فيه بس ولا سوى اي شي ثاني لو اشرح لك كيف عايشه معاه هذي يبي لها موضوع كامل وعدة صفحات بس الحاصل بالموضوع اني خلاااااااص ما عاد اتحمل ولا اقدر اصبر لأبعد حد اشياء كثيرة متحملتها أكبر من كذا بلاوي تدرين ليه لأن ماعندي معه الا الكلام والنقاش واذا ماتجاوب معي اسكت وتعود خلاص عادي في نظره وش بأسوي مثلا؟؟ لكن وصلت حدييييي وطلبت الطلاق هالأيام وطفحت كبدي من جد يوم طلبته الطلاق وشافني جاده بدأ يتلحلح ويقول بأسوي وووووو كلام طويل عريض لكن مثل كل مره ماعنده الا الكلام بس خلاص ناويه ناويه لو أيش مايصير انا خلقه تعبانه صدقيني انتي اذا سكتي الان وقلتي بأصبر مثل الأخت الكريمه في الله اللي قاعده تكلمك الان بتمين طول عمرك صابره وماراح يتغير شي اللي مثل زوجك وزوجي يبي لهم وقفه وحد يبي لهم عين حمراء والا ماراح يتلحلح طول عمره نصيحتي دخلي أبوك ااو واحد من اخوانك كبير وفاهم يتفاهم معه واقعدي عنهم وارفضي ترجعين له الا بشروط مصروف شهري في يدك ويمشيك ومايقصر في البيت من ناحية المقاضي وكذا وقبل لاتدخلين ابوك خلي ابوك او اخوك الكبير تتفقين معه يزورك ويشوف ثلاجتك ويقول فلان جيت عند اختي وجبت لها عشى من برى مالقيت عندها شي حتى الشاي مافيه خليه يتفشل ويحس على دمه ويتكلم معه اذا عايف وقاعد يطفشك الله يستر علينا وعليك وصدقيني اذا هو شاريك بيكرمك اما اذا كان بايعك ببيعك ومن باعك بيعيه
يطلع ومايرجع الا ماتاخر هذي وبلعناها بسسسسسسسس مايصرف عليك وتنامي جوعانه ؟؟؟ ليش حياتي ما اخذك من بيت اهلك عشان يجوعك والبيت مافيه شي وماعندك ملابس لالالالا ماينسكت ع هالوضع ابد وقفيه عند حده وشوفي لك حل احسن من تجلسين يدك ع خدك وهو يجمع بهالفلوس واخرتها ماتدرين وش يسووووووووووووووي ؟؟
تريني اكلمك من كل قلبي كانك اختي وربي علي شاهد لما تشوفي الغلط لازم تصلحيه ولا بيحسب الوضع عاجبك او انه بيشوفك ساكته ويكبر راسه
لما تنحل هالمشكله باذن الله
فكري كيف تخلينه يجلس شوي معك بالبيت ومع ولده ويمشيكم العصريه او تتعشوا برا البيت بعض الايام اذا مو بالطيب بالغصب هذا من حقك عليه زي مانتي تسوين له حقوقه لازم هوه كمان يعطيك حقوقك كامله
انا حسيت انك مره متساهله معه وطييييييييييييييبه خليك قويه وادعي كثيررررررررررررررررررررررر وتحري اوقات الاستجابه ان ربي يسخره لك واستغفري كثير