البنات اللي ردوا وشكروني يعلم الله ماقصدت اتودد لاحد بس هذا هو الواقع مافي شي كامل
لازم الانسان يرضى بأنصاف الحلول
يعطيكم العافيه ويسعدكم ربي وين ماكنتو:26:
الحبيبه دنيا من الفرح
راجعي كلامي يالغاليه في بنات ترضى تكون زوجة ثانيه هي حره وانا وجهت كلامي للي بتكون الثانيه لان الرجال يبي تعدد فقط وعطيتها نصيحه انه لودام لغيرك ماكان وصل لعندك
وتأكدي اي رجال يتزوج عشان يجدد شبابه بيكون ظالم فلاتقولين الزوجه الاولى ماقدرته وانتي وش دراك بالحريم يعني يوم صار عياله كبره رد عقله اجل وش صبرك كل هالمده وليه تخلف منها يومك ماتحبها
ولانه ناكر للعشره طبيعي بيطير بعجة الزوجة الثانيه
لكن لي صار وقت الحساب وشق مايل ساعتها خلي الزوجة الثانيه واللي رضت بظلم الأولى تتحمل معه الاثم
غريبه حالت بعض الناس تظلم وتتكبر وتتجبر ونست ان فيه آخره وحساب وعقاب
خافي الله ترى النهاية تراب وربي مايرضى الظلم لو كل وحده خافت ربي وحمدت ربي انها عفت نفسها بالحلال تتحول لوحش وتظلم ليه وعشان مين ؟!
غيرة الحريم موجوده عائشه تقول لرسول عن خديجه حمراء الشدقين كنايه عن اسنانها اللي تساقطت فغضب الرسول وهو يحب عائشه فكيف بحالنا بنات عاديات اكيد بنغار لكن ليه نخلي الغيره سبب لتبرير الظلم والحقد؟!
انا برضى في حال كانت مريضه اوعقيم ولازم برضاها فهمتي
اما سالفة الحب للحبيب الأولي واثقه من كلامي واتحدى وحده تنكر هالشي :)
اكيد مو كل الرجال لكن الاغلب اممممم يعني نسبة 90٪
يوم تقولي رفضتي عالشيخ اللؤطه لأنها قناعتك خلاص يعني هذا شي مقتنعه فيه الله يوفقك
وحده غيرك بترضى يعني وقف التعدد عليك
الزبده ومافيه هوشه ان شاء الله انا نصحت البنات المتأخرات
1- اذا حدها الزمن ماباليد حيله والله يعينها على حياتها الجديده والامر له توابع لازم تتحملها الحياة مو كلها حبني واحبك ولاكانت الدنيا جنه وسعاده
2-في بنات متأخرات بالزواج فترمي نفسها على اول واحد يطق الباب وبعدها ياليت الي جرى ماكان:(
3- في بنات على بالها الدنيا على كيفها اجرب والادهى لو كانت التجربه ثمنها عيال مالهم ذنب
4-في بنات كسرت نفسها عشان تأخرت بالزواج ليه حرام عليك هذا اعتراض على حكم ربي
5- هذي وجهة نظر واحنا نتحاور وكلن بعقله راضي:26:
بنات البنت دخلت موضوعي وداست بساطي فلها الحشيمه وان كان غلطت فامسحوها بوجهي
انا مانزلت الموضوع الا وعارفه وش بيصير ويشهد الله علي مابي مادح ولاشي كل اللي بخاطري
مجرد توضيح ونصيحة من محبه لكم فقط لا اكثر ولا اقل ربي يجمعني واياكم بجنة الفردوس
صديقاتي العوانس ( الرد الآنس لكل عانس تبي العرس )
متابعة النقاش، صفحة 3