قصتي اغرب من الخيال اركض وراء الحمل وحملت بس.........

الله يعوضك خير

مرحبا
بدات مرحلة العلاج من جديد بالمستشفى العسكري وكنت ماعرف شي بالاقسام وزحمة وكلة فلبينيات وكل ما قلت شي صارخوا بوجهي وكل مرة ادخل على دكتور شكل يعني مافية احد ماسك حالتي مثل المستشفى الخاص ومن بداية زواجي وانا ارجع بمستشفيات خاصة احس فية اهنمام وانا من دخلت العسكري وانا كارهتة احس كاني جاية اشحد بس علشان الحمل بسكت والحمدللة ربي صخرلي ممرضة سعودية طيبة وبنت حلال كانت تدلني وتخلص اوراقي بدا الدكتور معي بالتلقيح الصناعي اول شهر ناخذ الابرونروح لديرتنا الي تبعد 3ساعات وهذا الي زود همي نروح ونرجع 3مرات بالاسبوع نطلع الفجر بعز البرود ونروح الظهر بعز الحر وظلينا على هالحال تقريبا سنة اول مرة سويت تلقيح صناعي مانجح والشهر الي بعدة اخذت منشط طقني نزيف وخفت جلست الدورة تقريبا 10ايام وكنسلت العلاج لانهم يعطوني اقوى الابر وكمية كبيرة تركتهم 3 شهور طبعا كنت اراجع دكتور الغدد واول ماشفني اعطاني علاج للغدة وقال اشوفك بعد 3شهور وبعدين رجعت قال الحمد لله فية تحسنورجعت عقب 3شهور قال الغدة تردت وزودلي الجرعة وبعدين رجعت لدكتور النساء قلت يادكتور بنكمل باخذاخرة مرة منشط لتلقيح الصناعي وبعدين تدخلني للانابيب رفض قال لازم 3مرات وانتي لين الحين مانزلتي وزنك وواووا,,,,,,,تعرفون الدكاترة سكتت قلت يالله اخذمنشط للمرة 3 واعطوني قونال اف القوية 3ابر وراجعينا و3ابر وراجعينا قعدنااسبوع والبويضات حجمها 12و14 وحنا سرداد مرداد والله رحمت زوجي وتركة لدوامة المهم قلت عطنا حق اربع اوخمس ايام ونرجع طفشنا ملينا من السفر واكمل الابر وانا اروح ارجعهم لما شاف الدكتور التصوير قال لا بنكسل التلقيح عندك تضخم بالمبايض ولو اخذتي تفجير راح تدخلين بالعناية يالله روحي ي**** معقولة عقب هالتعب تكنسل ولاتجينا المرة الجاية الاوانتي نحفانة يعني ذل ومهانة وتعذب وبيني وبينكم مالي نفس بالرجيم عقب مانحفت واخر شي قال الدكتور الكيلاني ماينفع لحالاتك الا الانابيب روحت وتركت المستشفى يمكن سنة طفشت مليت بعد سنة فكرت اني ارجعلهم ولما دخلت القسم تعرفون من شفت شفت الممرضة السعودية الي كانت تعاوني بالاوراق والمواعيد اخر مرة كانت بتروح تجهز وبعدسنة لما شفتها بطنها طويلة حامل بالتاسع قلت ماشاء الله حملتي قالت اية انا بالتاسع وانتي لين الحين مانحفتي خنقتني العبرة قلت يالله لي 3 سنين اراجع وما صار حمل ولانحفت وهي ملكت وتزوجت وحملت وانا مكانك سر دخلت على الدكتور قلت يالله يادكتور سولي الانابيب كاني اشحد منة قال لا باقي مرتين تلقيح قلت خلالاص طفشت من المنشطات اخاف ترجعلي الكياس قال تبين الحمل تحملي المنشطات ياااااااارب ضعفت حيلتي طلعت قلت خلالاص مابي منشطاااات ولاحمل تركت القسم باكملة قلت بروح لمستشفى خاص وعلى حسابي اكرملي هم وذل المهم وانا اروح لدكتور الغدد لاني قررت اترك المستشفى قبل لنوصل المستشفى يوم طلعنا من ديرتنا كان زوجي مشغل سورة البقرة وسمعتها لين وصلنا وكنت كثيرة التثاؤب والبكاء مادري وش صارفيني قطعت نفسي بالسيارة والم باليدين والصدر زوجي بغا ينهبل بس ترك الشريط لين يخلص وبعدها حسيييت برررراحة عجيبة ولما اخذت تحليل الغدة قال الدكتور غدتك سليمة مثل الشخص السليم بعدها عرفت ان الغدة تجي على عين ونفس تركت العلاجات يمكن سنة لاروحة ولاجية عقب ها لعذابالنفسي والجسديقمت اصيريت على زوجي الاتوديني للاردن احسن والطب تقدم ومتطور ووافق ومن هنا بدات رحلتي الغريبةدخلنا المستشفى الكبير النظيف المرتب والسسترات المرحات سبحان الله فررررق طبعا رحنا بالسر والكتمان خلاص قلنا يمكن هذاسبب تعبنا ان الناس تدريلنا وكان سبحان الله بالعيلة 4 متاخرات بالحمل وحدها لها 13سنة وحملت وجابت وحدة لها8سنين وحدها لها 4 سنين وكلهم حملوا بنفس السنة وهذا الي شجعني دخلت على الدكتورة طبعا انا كنت ماخذة الابرة التحضيرية قبل وقالوا لما تجي الدورة تعالي رحنا بسيارتنا وكنا مبسوطين وخذيناها تمشية المهم لما دخلت على الدكتورة قلت احس باعراض الدورة بس مانزلت شافتني بالسونار الكبيرة مثل شاشة بلازما قالت بطانة الرحم راح تنزل ولازم ناخذ تحليل 2الدورة خوذي حبتين اسبرين وتحممي بمي سخن واشربي قرفة وامشي وسويت مثل ماقالت ونزلت الدورة ورحت احلل طلعت الغدة خااااملة جدا وهرمون الحليب عالي واعطتنا العلاج وقال زوجي وش رايك نكسل العلاج لين تزبط هرموناتك قلت خلاص خلها لين بعد العيد روحنا وركبنا السيارة قال ابي ارجع اشوف الدكتور زيد الكيلاني رجعنا المستشفى وشاف التحاليل قال لا انتم اخذتم الابرة التحضيرية وبعدين بعدين هرمون الحليب ب4ساعات ينزل خوذي حبة كاملة والغدة عااادي فية حواامل وغدتهم كذا فرررحنا وقال يالله بلاش تاخير خلي لما يجي العيد وانتي حاااامل واعطاني 30 ابرة لمدة 9 اياموبعدين نرجع للاردن فرحت قلت هاذي الدكاترة الي تفتح النفس وتشجع على الحمل وحتى وزني ماخذوة مهو مثل ذاك المستشفى يحاسبونني على نص كيلو اخذت المنشطات والتــــــــــزمت بالدعاء والاستغفاااار والصدقة واخذت عسل مع طلع النخيل وتغذيت زين وقت الدورة المهم رجعنا وكان وقت صيف واجازة واهلنا جايين بس طنشناهم وقلنا رايحين عمرة طبعا هم ماصدقوا حسوا انها رحلة علاج جينا المستشفى وكنت خايفة لاني اول مرة ماحس بالام حق المنشطااات عاا[LEFدي ماكاني ماخذة منشط دخلت وانا خااايفة لما كشفت الدكتورررة قالت ووواوو وزوجي كان يسمعها اكمل باقي القصة غدا لاني تعبت

كملي الله يجزاك ويرزقك

الله يرزقك ويرزقنا من واسع فضله