مواقف صارت لك مع الجنس الخشن >>حطيها هووووووون/ قديم

مره كانوا اخواني وعيال عمي وعيال الجيران يلعبون كوره
وكنا نبغى نعدي ونروح بيتنا
مرة عمي جابت طرحه وقالت كل وحده تغطي وتمشي
طبعا العيال كل واحد دار ظهره
عدت بالأول بنت عمي
وبعدها اختي الكبيره وبعدها اختي الثانيه
وجا الدور علي رميت الطرحه على وجهي
ومن الغباء غمضت عيوني واجري عشان اوصل البيت
وطراااااااااخ
الا واخبط في ولد عمي والخبطه كانت قويه لدرجه طرت الناحيه الثانيه
وهو طايح في ناحيه وانا في ناحيه
واجري على البيت وادخل الحمام ابكي
وموقف ثاني كان التلفون عندنا مفصول وانا ابي اكلم صديقتي
قلت بروح اتصل من بيت عمي وطبعا بيت عمي قدامنا
دقيت الباب وماتوقعت احد من العيال موجود
الا ويفتح ولد عمي وانا قدامه تسمرت مكاني ماقدرت اتحرك وارجع
قال وش بغيتي قلت: ابغااااااااااااااااا
عندكم تلفون
ضحك وراح نادى اخته واختي كانت ورى الباب وميته ضحك
ومره كان ولد عمي عندنا طبعا عيال عمي ماشاءالله كثير واغلبهم صارت لي مواقف معاهم
واحد من عيال عمي كان جالس مع اخوي في الصاله يلعبون
وانا كنت بالمجلس نايمه من تعب المذاكره
وبعدين صحيت من النوم واخرج من المجلس والكشه ماشاءالله واصله للسقف
ولابسه بجامه زرقاء وجاكيت اخضر لأن الجو كان بارد وشرابات حمراء
اناقه بسم الله علي
وامشي وادخل جوه وماانتبهت لولد عمي ويجي بعدها اخوي يهزأ فيني
قال هذا وجهي اذا تزوجتي على اناقتك ذي
بس الحمدلله تزوجت وخخاب ظنه

مره من المرات ولد عمي كان عازم اصحابه واعمامه على العشاء في مجلس الوالد لانه كبير وفيه مزرعه المهم قال الوالد سوي قهوه وشاهي ماشيه الامور تمام تعشوا ومشوا الضيوف قالت اخته واحنا نلم العشاء قهوتك ماحد شربها قمت معصبه واروح المجلس وافتح الباب بكل قوتي زييييين ما طار من مكانه الا ولد عمي واصحابه كلهم التفاته واحده وانا تسمرت مكاني وهم عيونهم تسمرت من الفجعه وكااااااااااان شكلي الله قميص قصير وكعب عالي حق بنت عمي خذيته اجربه والشعر رابطته بمنديل والحاله حاااااااااااله رجعت وانا ارجف من الخوف الا ابوي قل لهم لا تروحون المجلس وما قالوا لي

:26::26::26: