انا وزوجي وزوجته

السلام عليكم

أخواتي حابه استشيركن في موضوعي


الله يسلمكن انا كنت مملكه لشخص الله يرحمه توفي في فترة الملكه وقبل الزفاف

وبعدين جلست سنين ارفض الزواج ولحد ماتقدم لي واحد من اهلي بس هو متزوج ويبغيني اكون الثانيه

الرجال ماشاء الله عليه اغلب المواصفات فيه ,,,استخرت ووافقت

والحين صار لنا سنه مملكين مع بعض لحد مايجهز البيت

المشكله انه كان فيه مشاكل بينه وبين زوجته الاولى وكانت بتوصل للطلاق وانا كنت انصحه يصبر عشان عياله

وكل اهله ينصحوه بطلاقها واغلب صديقاتي كانن يقولن لي اني طيبه زياده عن اللزوم والمفروض اني اشجعه على طلاقها بس انا تفكيري غير لانه لو طلقها معاناته مافيه خير لزوجته ونفس الشئ بيسويه فيني وعياله بينحرمون من حنان الاب والام

المهم مضى الشهور ومن فتره هو فاتحني وخبرني ان زوجته كانت اكثر من ثلاث مرات تخيره بينها وبيني عشان يطلقني وتحاول تمنعه انه يزورني وتتكلم عني قدامه بس هو ماشاء الله مايسمع كلامها لانه انسان ملتزم ويحذرها انها تغلط علي

انا من قالي الكلام حزنت كثير :44:لان ماتوقعتها تقول هذا الكلام وانا مابيني وبينها الاكل خير

صح اني تزوجت من انسان متزوج بس هو الي جاء وخطبني تطلع حرتها في الزوج مافيني انا


كيف اتعامل معاها بالمستقبل لان زوجي يلمح انه يبينا نزور بعض تنصحون ان كل وحده ماتزور الثانيه ولاكيف ؟؟؟

الشئ الثاني زوجي عنده 5 اطفال اكبرهم بنت عمرها 9 سنوات وولد عمره 7 سنوات وهو حاب انهم يجلسون معاي بالبيت لما يجهز لان مدرستهم قريبه من البيت ولانه شاف تعاملي مع اولاد اخواني ولما كان يجيب اولاده عندنا ويحبون يجلسون معانا والبنت والولد بعد قالوا لي انهم حابين يجلسون معاي لما انتقل وقلتله كيف زوجتك بترضى تخليهم عندي قال ان زوجته في الاساس مامهتمه فيهم ومعتمده على الشغاله في تربيتهم والسائق هو الي يوديهم المدرسه وحتى اهله قالوا نفس الكلام ,,,وهو حاب انه يتنازل عن السائق لانه مابيكون محتاج له لانه مدرستهم بتكون قريبه من بيتنا ويبقى عنده الشغاله وبتكون في بيته الاول ,,هذا الموضوع هو قبل قايل لي وانا كان عندي عادي لاني كنت معتبره زوجته اخت لي بس بعد ماعرفت كلامها عني خفقت بصراحه وكلمت صديقتي وقالت لي مااوافق انهم يسكنون عندي لاني بكون ملزومه فيهم وبقومة الصبح وتغسيل ملابسهم وكل امورهم انا اكون مسؤؤله عنهم
واذا صار شئ لاسمح الله زوجته بتتهمني اني سويت فيهم شئ

شكلي قلت كل قصة حياتي :35:

ماذا تنصحوني هل اخليهم عادي في البيت ولاراح اتسبب لنفسي في اشياء انا في غنى عنها

وايضا كيف التعامل بيني وبين زوجته اذا هو طلب منا نجتمع مع بعض

اتمنى النصيحه ورفع الموضوع لان ماعندي الا3 مشاركات في اليوم

والله يعطيها العافيه ويرزقها الي تتمناه الي ترد علي

141 تعليق 16,240 مشاهدة

شاركي في النقاش

سجلي الدخول لإضافة تعليق.

التعليقات

135
  1. @aabyr88

    يا حبيبتي مبروك الزواج مقدما
    بس لاتفكرين ابدا تاخذين عياله عندك خليهم عند امهم
    وش ذنبك وانتي عروسة تربين عيال مانتي ملزومة فيهم
    صرفي نفسك باي طريقة ترا العيال مسؤولية
    وبالنسبة للزيارات بينكم مالها داعي خليك بعيدة احسن
    لا تشوفيها ولا تشوفك ابدا
    من جد الله يعينك طيبة زيادة والرجال بيستغلك تهتمين في عياله
    اقرل صحصحي شوية
  2. @moooooony_1

    والله مدري وش انصحك فيه
    صراحه امر صعب عيالك وهم عيالك يغثونك وماتصبرين عليهم
    كيف عيال غيرك والاهم المسؤليه اي شئ يصير لهم انتي المتهمه
    سواء" في تربيتهم صحتهم مدرستهم
    حاولي تناقشي زوجك بهالامور والعواقب والله يكتب مافيه خير للطرفين
  3. @aroan

    من ناحية زوجته اكيد انها ماراح تتقبلك ابد وعذرها معها وانتي حاولي انك ماتختلطين فيها اريح لك ولحياتك

    ومن ناحية عياله الله يخلي لهم امهم تهتم فيهم ماتهتم بكيفها هي وعيالها لو يصير شي قالو انتي وانتي وغير كذا راح تكونين دائما تحت

    المجهر وكل شي في بيتك ممكن ينقلونه الاطفال انتي يمكن ماراح تستوعبين كلامي الحين لكن لمن تتزوجين راح يتغير شعورك

    بيته بعيد يسجلهم في مدرسه قريبه لبيتهم ولا ينقل بيته الاول جنب مدرستهم انتي مب مسوؤله عن عياله ومدارسهم تراي لك نااااصحه بكرى

    اذا جو عندك وجربتي خلاص صعب عليك تقولين مابيهم بيقول وش تغير وكل شي راح يكون ضدك من اولها ارفضي اريح لك

تابعي تجارب أخرى من هذا القسم.