اكتشفت مرضي بعد زواجي بشهرين .. اللهم لك الحمد والشكر على كل حال

السلام عليكم ورحمة الله وبركاته

اخواتي انا بعد زواجي صار عندي لخبطه في الدورة الشهريه وتجيني مرتين كل شهر وتنزف بكثره وتستمر الى 11 يوم احيانا

المهم لما رحت لطبيبه وسويت التحاليل وجدت عندي كسل في الغده الدرقيه رغم ان وزني مرره نااازل وتقول هذي تأثر على الحمل ممكن اجهاض او تأخره

وبديت علاج امس لكن اللي حزني واشكر ربي على كل حال انه مرض مزمن يعني استمر عالعلاج مدى الحياة

بسألكم هل ممكن اتعالج منها نهائيا
وقريت في بعض المنتديات ان اللي تتعالج ينزل وزنها والمشكله انا مررره ضعيفه اخاف على وزني
كمان اخاف يصير فيه لخبطه يعني اخاف تتنشط بزياده وتتعبني وتأثر على قلبي

واللي تعرف وصفه طبيعيه ممكن تساعدني ياااليت ماتبخلون علي


واولا واخيرا الحمد لله على كل حااااااااااااااااال

6 تعليق 1,524 مشاهدة

شاركي في النقاش

سجلي الدخول لإضافة تعليق.

التعليقات

6
  1. @am_nana_odno

    هلا اختي ترى كسل الغده صار منتشر بكثره في الفتره الاخيره وكويس انك اكتشفتيه بدري مع العلاج راح تتحسن حالتك وكل فتره روحي حللي علشان تاخذين الجرعه المطلوبه انا مثلك لما انتظمت على العلاج حملت وجبت بنوته والحمدلله انه مرض مو خطير ولامعدي يعني عادي انسي الموضوع ولاتفكرين فيه
  2. الامر بسيط أختي

    ابحثي عن القسط الهندي وشوفي التجارب كثيره

    واشربي بردقوش تراه زين

    وما عليك الا العافيه
  3. اختي صاااادقه مدمنه كليجا القسط الهندي فظيع لكل شي سوي بحث عنه بتشوفين العجب والله فوايده كثيييييره خصوصا لعلاج إرتفاع اونزول الغده وبالشفاء ان شاء الله يرزقك الذريه الصالحه اللي تسعدك وتعينك
  4. @smo_alanothh_1

    الغدة ماتعتبر مرض تعايشي معها
    اختي سويت عمليه وشالتها ومستمرة ع العلاج مدى الحياة وحملت وجابت واد اسم الله عليه

    لا تقلقي نفسك

تابعي تجارب أخرى من هذا القسم.