شاركي في النقاش

سجلي الدخول لإضافة تعليق.

التعليقات

135
  1. اول شي مانقول شي انك بتتزوجين متزوج ربما الظروف اجبرتك
    معليش تقولين انها مخيرته بينك وبينها ومستغربه من هالشي
    وانه ماسويتي لها شي
    لاياشيخه من جدك تقولينه !!!
    بتاخذين زوجها وتبينها تحبك
    بغض النظر عن اي شي اعتقد الكثير يسوون مثلها وهذي طبيعة المرأه
    يعني متخيله انكم بتصيرون صديقات ؟!!! عجايب
    ثاني شي اقول لك انه الرجال اللي يسب في ام عياله عند اي من كان
    معدوم الرجوله والمروءه هذي المراه تكون ام اولادي مو انتي مع احترامي
    وباي حق بياخذهم من امهم عشان يعيشون معك
    يعني حكم على حنانك في لحظات مع اولاد اخوك او لما يجونك فتره بسيطه
    ويعتقد انك بتتحملينهم اكثر من امهم هذا اني تتشكين وهم مابعد صارو عندك
    مدري كيف بعض الناس يفكرون !
    يعني بالله عليكم فيه وحده منكم ترضى زوجها ياخذ اولادها وتربيهم ضرتها
    وبحجه امهم مو مهتمه او المدرسه قريبه لبيتكم
    تفكير اناني وظالم
    اللي ردو كلهم يردون انك انتي المظلومه وكيف بتتحملين
    انتي تقدرين ترفضين وشي طبيعي

    لكن اسالك بالله هل ترضين ياخذ زوجك اولادك في يوم ما عند ضرتك تربيهم باي حجة كانت ؟

    بقولك عن شخص طلق زوجته وهذا امر الله
    ولكن فيه شهامه ورجوله تغني عن كل الرجال
    مارضى ياخذ الولد من امه ويقول مستحيل احرمها منه ولا احرم ولدي من امه
    وما ابي احد يربيه غيرها
    ومع ذلك ماابتعد عنه يوميا يوديه االمدرسه ويرجعه وياخذه غالب الايام يمشيه ويرجعه

    وش الفرق بينه وبين زوجك
    ياربي ارتفع ضغطي مو منك من زوجك
    وراح تتذكرين كلامي بعدين ويبي يبين لك اشياء كثيره
    والله الموفق
  2. @alkdr_frkna

    يااختي انا اتوقع ان زوجك ناوي يطلق زوجته ام عياله ويبي يشوف ردك بتتقبلين عياله ولا لا
    لان اغلب الي يتزوجون زوجه ثانيه وهو عنده عيال من الاولى يدور للراحه والهدوء وبعيد عن
    ازعاج العيال وبعضهم يشتزط من الثانيه تاجل الحمل او ماتحمل
    وانتي من اولها يقول باجيب العيال عندك
    انتبهي ياختي العيال مسئوليه وامانه
    مااحط بذمتي انا اقول يمكن هاذا تفكيره والله اعلم

تابعي تجارب أخرى من هذا القسم.