الليزر تجاربكم يا جماعة افيدونا ولكم دعواتنا

حتى انا نفسي اسويه ومتردده ودي اسوي كل الجسم مليت من الحلاوه ياليت يفيدونا اللي جربوا

لا اله الا الله

حتى انا ودي اسويه وامي معيه تقول خطير :(

جوري ياحبي لمك كل الامهات كذا


انا صراحه مسويه رجولي للركبه ويديني والاندر ارمز شي جميييييييييييييل وراحه تفوق الخيال

سويت عن الاستشاري والزلال

اول جلساتي كانت عند الاستشاري كنت اسوي رجولي مااذكر والله الاسعار

بس شفت ان الزلال ارخص وهم نفس المشوار فحولت على الزلال وكملت عندهم

رجولي سويت اربع جلسات والحمد لله صار يطلع شي بسيط لا يذكر واذا شلتيه يقعد شهر ما طلع او اكثر

الاندر ارمز سويت كذالك اربع او خمس جلسات والحين ولا شعره راحه تامه يطلع زي الوبر بين فتره وفتره حوالي الشهرين اشيله بشمع عشان يروح الوبر

يديني سويت لها ثلاث جلسات والرابعه بالطريق يمكن بعد ثلاث اسابيع لاني انتظر الشعر يطلع كله تو بادي هالاسبوع يطلع اخر مره شلته ليزر بنص رمضان واتوق شالو يديني بدون العضد 400

وتوته توته خلصت الحتوته

طبعا لما تتصلون على المركز وتسألونهم عن الاسعار يعلمونكم عادي كل منطقه وكم تكلف وترا يمدحوووون عيادات ابانمي مو المستشفى لا اللي بجنب العثيم على مخرج تسعه انا صراحه ماجربتهم بس افكر اجربهم عندهم خدمه ذاتيه للبكيني وقريبين مره من البيت ويقولون عندهم عروض حلوه بعد اتمنى افدتكم