السلام عليكم ورحمة الله وبركاته
صباحكم جنة
بنات وحريم الله يجزاكم خير ويفرج همكم ابستشيركم
في السكن مع اهل الزوج
انا عمري27وابدخل 28 وتقدملي واحد عمره29 لكن يبغاني اسكن مع اهله مافيه سكن مستقل
وانا ما اقتنعت خايفة و من جد محتااااارة مادري وش اسوي
واخاف ارفض افوت فرصة
شيرو علي يا اهل الخبرة
ودعواتكم بالتوفيق والله تعبانه نفسيا اهلي عيونهم علي عشاني كبرت ولا تزوجت
ماقد احد من خواتي وصل هالعمر وماتزوج
:06:كان هالشي بيدي الله المستعان
الله يرزقني ما اتمنى في الدنيا والاخرة وجميع من اراد من فتيات المسلمين
ويوفق من ترد علي
شاركي في النقاش
سجلي الدخول لإضافة تعليق.
التعليقات
39- الله يكـتب لك كل خــيره
حسبنا الله سيؤتينا الله من فضله انا الى الله راغبون - الله يوفقك
- طيب مافيها شي لو سكنتي مع اهله اغلب الناس كذا
- طبعا السكن مع اهل الزوج لا والف لااااا
لكم بالنسبه لوضعك لاتفوتين الفرصه
وان شاء الله ربك كريم
وماتدرين وش ربي كاتب لك
الله يوفقك - انا اقولك ليش ما ابغى اسكن مع اهلة اولا انا انسانه ملتزمة ولا فيه بيت بهالايام مافيه قنوات فضائية وماابغى حياتي تبدا بشي يصير بيني وبين اهله
ثانيا :السكن مع اهل الزوج مسؤلية ما اتوقع اتحملها ولازم اربع وعشرين ساعة تصير نفسك مفتوحة ماحد مقدر تعبانه والا لا
ثالثا: انا موظفة واكمل دراسات عليا اكيد بصير قيه شي من التقصير بس اخاف ما احد مقدر
رابعا: انت في بيتك انت وزوجك مهما كانت مشاكل بيتكم ستر وغطا
خامسا: اذا سكنت لحالي راح اشيل هم نفسي والانسان الي بعيش معه كيف اتأقلم معة لكن بالسكن مع أهله ما ادري وش الناس الي ابعيش معهم وطبايعهم
سادسا: بكرة بيجيني عيال ما ابغى احد يدخل بتربيتهم
واشياء كثيره ماتخفى عليكم
وعلى قولتك اغلب الناس كذا انا مالي دخل بالناس انا ابغى اشوش تجارب الي مجربين وارائهم والسلبيات والايجابيات عشان اشوف اتأقلم معها والا لااو هل اقدر اتغلب عليها والا لا
والله يعين
ويكتب الي فيه الخير
مواضيع مشابهة
تابعي تجارب أخرى من هذا القسم.