السلام عليكم ورحمة الله وبركاته
بنات حواء مالي بعد الله الا انتوو تحلوون هالمشكلة بدخل بالموضوع دغري
أختي الكبيرة كانت غايبة ذاك اليوم وأنا كنت نايمة مادري وش اللي صحاني ورحت لها لقيت باب غرفتها مسكر وأسمعها تكلم بالجوال أنا حسيت من نبرة صوتها أنها ما تكلم بنت كان صوتها يرجف وسمعتها تقول أنت وين رحت في ليوم الوطني أنا هنا انصعقت وتأكدت 100% انها تكلم رجل ..مع العلم ان امي واخوي شديدييييييييييين مررررررررررة وهي سبق انها كلمت ولد من قبل وامي بغت تذبحها وحرمتها من الجوال لمدة سنتين وهذا غير الشك فيها وصارت أمي بس تصارخ عليها لكن مشكلة أمي انها تعم يعني وقتها أخذت الجوال مني أنا مع ان امي تعرف اني مو راعية خرابيط بس تقول ما أشيل الجوال من الكبيرة وأعطيه الصغيرة ..والحين أختي كررت نفس الغلطة ورحت قلت لها والله لعلم اخوي أو أمي هي قالت لا تكفين لاتعلمينهم تبغين تشوهين سمعتي وأ،ا ماهمتني وودي أعلمهم بس عارفة إني أنا الخسرانة لأنهم بيسحبون جوالاتنا كلها وبيعاملوني مثل مايعاملونها عشان كذا اضطريت اني أسكت ومابينت لها شيء لكن قلت لها عطيني الرقم السري حق الجوال عشان أفتشه وعطيتني اياه وبعد يومين غيرته والحين ما كلمتها بالموضوع أبس أسمع نصايحكم وبششوووف ؟؟
الله يجزاها خيير اللي بترد علي
شاركي في النقاش
سجلي الدخول لإضافة تعليق.
التعليقات
25- طيب تفاهمي مع امك بهدوء وقولي لها لاتظلموني معاها وان شاء الله امك تتفهم الوضع
- ياقلبي لازم تقولي لامك
كذا راح تتمادى اكثر من وراك
ويمكن تقول انك عارفه وساكته وبكذا وقتها امك معاها حق تاخذ جوالاتكم - لا ياحبيبتي لاتسكتين الساكت عن الحق شيطان اخرس
علمي امك وقولي لو انا مو عاقله ماكان علمتك يمه
وبعدين اختك بتحس اذا شافت الجوال معك وهي لا
وبعد كذا بتتوب
الله يهديها - كلمي امك ،، تخسري جوالك احسن من انك تخسري اختك للابد ،، الجوال يتعوض بس لو اختك لا سمح الله انحرفت ، راح تندمي و تقولي يا ليتني وقتها خبرت امي الله يستر على الجميع ،،،
- الله يجزاكم خير
لكن يابنات أنا عارفة رد أمي بتقول أنتي السبب انتي اللي أصرتي علي أني أشتري لكم بلاك بيري لأن أمي كانت رافضة هذا الجوال وأنا واخواتي أصرينا عليه واحتمال كبير انه تشيله مننا وأنا متعلقة فيه والله بنجن..
مواضيع مشابهة
تابعي تجارب أخرى من هذا القسم.