ساعدوني (يابنات الرياض) / بوفية للعشاء

السلام عليكم
أهلين ياصبايا :)
ابي مساعدتكم ولكم دعوة في ظهر الغيب....
اختي بتتزوج :icon28: وبنحط العشاء بوفية مفتوح ومحتارين بين مطعمين ( الدبلوماسية) و( الدفواء)
وش رايكم ؟....
واذا تعرفون احسن منهم ويواجه وترتيب راقي وفخم وأكل منوع من جميع الأصناف ياليت تدلوني
جربت الدبلوماسية ورأيي من ناحية الاكل والتنظيم والطاولات اعطيهم 5من10
ياليت يابنات تساعدوني ولو برفع الموضوع والله يرزق الي ماتزوجت بالزوج الصالح ،والمتزوجة الله يسخر لها زوجها ، ويعطي كل وحدة ماتتمنى ياااارب، والله يرزقكم من حيث لاتحتسبون ....
ااااامين...
:42:ياويلكم اذا مارديتو ...
امزح معكم بس دايم اكتب في هذا المنتدى ولا احد يرد علي ........
انتظركممممممم:26:

10 تعليق 2,192 مشاهدة

شاركي في النقاش

سجلي الدخول لإضافة تعليق.

التعليقات

8
  1. @khyaaaalh_almgmaah

    بوفيه شاليهات المرسي شي خرافي مرررررررره اكلهم لذيذ
    وشغل مرتب جبناهم في عزيمنا شي يواجه ويبيض الوجه وربي عن تجررررربه
  2. صاحبة الموضوع
    (ام لو..لي/واذكرو الله/وخياله) الله يجزاكم خير ويعطي كل وحدة ماتتمنى ويرزقها من حيث لاتحتسب ويسخر لها زوجها ويرزق الي ماتزوجت
    بس عندي ٣ اسألة ؟؟؟
    ١/هذي المطاعم في الرياض
    ٢/جربتوها شخصيا
    ٣/وماالشي المميز فيها والحلو

تابعي تجارب أخرى من هذا القسم.