السلام عليكم
اخباركم ياامهات
اول شي ارجو الدعاء لولدي ان الله يشفيه
ثاني شي
بغيت اعرف من سمعت او تعرف احد عنده ارتخاء بالعضلات او تاخر بالنمو الحركي
وش اضراره ويقدر يمشي او لا ووش علاجه
الحمدلله على كل حال بسانا في هم مايعلم فيه الا ربي
عمر ولدي سته شهور ونص ومن عمره ثلاث شهور لاحظت عليه انه اذا شلته مايقدر يثبت رجوله ورقبته
وديته عياده قالي عنده لين عظام وجلست ثلاث شهور ع الكالسيوم والفيتامين والشمس ومافي اي تحسن وديته مستشفى الولاده وهنا الصدمه قالو ولدك عنده رخاوه عظلات ومايعرفون وش سببها وطلبو تحاليل واشاعات كثير بس انا خايفه ان مواعيد الولاده تتاخر على ولادي وتتاخر حالته
من تعرف وش ممكن يصير بهذا اللوضع من كان عنده تاخر بالنمو الحركي وشفي منه او تعالج
سمعت ان ماله علاج بس تمارين
طيب اخاف انتظر مواعيد مستشغى الولاده واتاخر على العلاج الطبيعي
دلوني بنات لي ثلاث اسابيع وانا حالتي حاله مصدومه الحمدلله ولدي طبيعي بس هو رقبته ورجله مايقدر يثبتها ولا يقدر يجلس لوحده وعنده تقوس بظهره
ادري كلامي مو مرتب بس قلولي اذا فيه وحده تعرف عن هذا الشي وتعالج
انا قالتلي الدكتور ممكن لو مشي ولدك يمشي في عمر خمس سنوات
انا ماعليه يمشي متاخر بس اهم شي يمشي جالسه افكر في مستقبله
وودي اعرف الي بوضع ولدي كيف يصير شكله اذا كبر طبيعي او لا
ادعو لولدي ان الله يشفيه واشوفه بصحه وعافيه وان الله يفرحني فيه يارب ياكريم :44:
شاركي في النقاش
سجلي الدخول لإضافة تعليق.
التعليقات
27- هلا حبيبتي انا بنتي كان عندها تأخر حركي بس كان فيهاا ضعف في الاعصاب رقبتهاا ماثبتت الا عال6 شهور وعليها كمان رجلينها وماجلست الا في الشهر العاشر وحبت 11 شهر ومشت الحمد لله الحمد لله لك يارب توها عالسنتين يالتمام والكمال
لاااتخافي عليه ولاتحاتي وايد .....مجرد تأخير وماعليك من كلام الاطبا الا يقول عالخمس سنين ليش يعلمووو علم الغيب علشان يألفواا على كيفهم طبعااا انا قالوا لي تحتاج علاج طبيعي يعني تمارين عملت ليهاا تمارين واستفادت دلكيه يوميااا بزيت زيتون من بداية الرقبه الين القدم وسوي تمارين لرجلينه مرتين في اليوم ... وماعليه الا العافيه ان شاء الله - ام جواد الله يطمنك يارب
طيب ممكن تعلميني وش التمارين بالضبط ويحتاج مركز ولا انا بالبيت
وكمان انا طلبو مني تحاليل واشاعات كثير لولدي
وقالو ممكن يكون السبب وراثي وممكن يكون في كل حمل بالرغم من انه مافي قرابه بيني وبين زوجي ولا في احد في العايله عنده شي
وبغيت اعرف الدكتور عطاك علاج او لا
وعلميني على التمارين كيف وطريقه التدليك - السلام عليكم
انا بنتي كان عندها ارتخاء في العضلات و نأخر في النمو الحركي hypotonia عرفت و عمرها ثلاث شهور و مااعتمدت على مواعيد مستشفى الولاده رحت مستشفى خاص و امروا لها بجلستين علاج طبيعي و رحت مركز الأمير سلطان و كتبوا لها كمان جلستين و جبت اخصائي علاج طبيعي في البيت و كان كمان يسويلها جلستين في السبوع يعني المجموع ست جلسات بالأسبوع و ما بان عليها بسرعه بس الحمدلله مشت على سنه و نص و على السنتيت جبت لها احصائية نطق و تخاطب لأن اللسان عضله زي مانت عارفهو عطتها جحلسات الى ان نطقت جميع الحروف و لله الحمد على ثلاث سنوات و كنت اوديها حضانه من عمر سنتين عشان تختلط بالأطفال و ما شاء الله سويت لها اختبار ذكاء في مركز متخصص لتحديدعمرها العقلي و كانت النتيجه روعه و الحين هي في تمهيدي و مميزه و محبوبه من الجميع كله بفضل من الله و الحمدلله انك اكتشفت طفلك بدري فلا تهملين علاجه ابدا و استمري لان بالستمرار تشوفين النتايج - الله يطمن قلبك عليه ويحفظه من كل مكروه
- الغنايم الف شكر ع ردك وماشاء الله على بنتك والله يعافيها ياب
شوي شوي عليه عشان افهم
انتي من وين ووين المستشفى الخاص وكيف طريقه التمارين ومن اللي شخص مرض بنتك ووش الاشاعات والتحاليل اللي عملوها وبينت المرض وش كان سبب ارتخاء
وبغيت اعرف بنتك بعمر الثمانيه اشهر قالت بابا وماما او لا وكيف شكلها الحين يعني واضح عليها ان كان فيها شي
تحمليني بس والله مو فاهمه شي
لانهم قالولي يحتاجون وقت عشان يشخصون سبب الارتخا يقولون على السبب يعطون العلاج وطلبو مني اشاعات كثير وتحاليل لطفلي بس بالتدريج كل بعد فتره اشاعه عشا ن يعرفون السبب
وقالولي ممكن يكون وراثي بالرغم انه مافي قرابه بيننا وسالت اخصائي علاج طبيعي في عيد كلينك وقالي مايقدر يبا الا بالتقرير الطبي بعد تشخيص المرض عشان يعرف نوع التمارين
مواضيع مشابهة
تابعي تجارب أخرى من هذا القسم.