وش رايكم بقراري اللي اتخذته دلووني

السلام عليكم حبيباتي
انا بعد طووول تفكير قررت اخذ اي جوال وارسل لزوجي رساله
طبعا بعضكم مو عارف موضوعي
انا لي شهروقربت الشهرين متزاعله مع زوجي وماكلمته ابدا لان
الامور كانت معسره
بس اللحين انا بأذن الله برجع له
قلت برسله التالي
‏(انا حبيبتك اكيد تذكرتني بس انت ماغبت لحظه عن بالي
انا راجعه وحده ثانيه وصحيح صرنا كتاب مفتوح للناس بس الاهم
نتعلم وان شاءالله تكون اخر الاحزان وبدايه حياه سعيده
منتظره تحجزلي لان عارفه موقفك من اهلي مابي احرجك
انا احبك وعارفه انك تحبني وان شاءالله مانخسر بعضنا
انا تعلمت وانت ياليت تعلمت
فلان وفلان يسلمون عليك ومشتاقين لك‏<عيالي
‏)‏
انا برسل لأسباب
الاول مابي اتأخر اكثر عند اهلي لان لو طولت ماهي بزينه
الثاني هو محتار بطريقه رجعتي لانه متضارب مع اخوي
وبالنسبه لي اهلي كارهينه ماابي اواجه بينهم
يكفي دور علي وجاب وسيط لان اهله رفضوا يوقفوا معاه
الثالث اهلي كلن لاهي بروحه واننا تعبت انتظر
قلت دام الامور صارت تمام بس باقي اروح بيتي انا بيسرها
لان اهلي عارفين اني ماابي اواجه بينهم عشان لاتكبر ع النهايه وتتعسر

هو وعد ماعد يعيدها وشرطت شرط لو عادها ماعد برجع
وانا احبه والله بس ممكن ماكنت عارفه كيف اكسبه
صحيح اهله تقولوا علي كلام وكانوا بيخطبون له بس هو رفض
بس لوكسبته بكسب هله
حسبي الله ونعم الوكيل فيمن ظلمني
وش رايكم يااخواتي
لان من جد تعبت صاير عندي قولون عصبي
او اانتظر لان ابوي قالهم عندي موعد يوم الاربعاء وبعده بكيفه
يايجي ياخذك ولا يحجزلك
صدقوني حرمت ادق ع اهلي مره ثانيه الزعل يروح والناس ماترحم
برجع وناويه اصير وحده ثانيه تغيير جذري
تعلمت وياليت هو كمان تعلم
اسفه غثيتكم بمواضيعي بس يعلم الله حسيت فعلا بأخوتكم
خصوصا انكم واقفين معاي من الاول سوا هنا او ع الخاص

24 تعليق 2,369 مشاهدة

شاركي في النقاش

سجلي الدخول لإضافة تعليق.

التعليقات

24
  1. @khylh_4

    الله يفرج همك
    انت لاترسلين له اصبري على الموعد الحدد بينه وبين اهلك
    واذا طولت مرره ارسلي له
    والله يفرجها عليك
  2. والله يااختي انا اشوف ان قرارك صااااائب لانه مااحد بينفعك غير زوجك ولاجيتي للحق كلن لاهي في حياته

    وانتي عندك عياال بس لازم انتي تتغيرين للاحيسن وزوجك يتعلم من خطائه والله يوفقك وييسر لكم وتوكل على الله

    ورسليه رساله بالتووووووفيق
  3. @bdayat_fgr_1

    إن شاءالله يارب ترجعون لبعض ومن احسن مايكون
    بس لي تعليق ع الرسالة لاتذكرينة انكم صرتوا كتاب مفتوح احذفيها بتحز في خاطرة
    اذكري الإيجابيات فقط
    قولي انا مايهمني في الدنيا إلا انت ومهما حصل بينا انت زوجي وحبيبي وانا زوجتك وحبيبتك
    خلي هذا المطلع كذا احلى
    واكتبي لة انك مشتاقة لة موت مو العيال بس مشتاقين لة

    الله يسعدك ويوفقك

تابعي تجارب أخرى من هذا القسم.