زوجة اخو زوجي .......!!

زوجة أخو زوجي يا بنات محيرتني كثيييييير
و الله مدري وش أقول لكم لي أربع سنوات من تزوجت و طبعي دايم أحسن الظن في الناس ..
بس اول سنه من زواجي و انا حامل في السابع و كان شهر رمضان أرسلت لي بنتها مخلصه الثانوي و ولد في المتوسط
مع عمتي ام زوجي و كان اول زياره لنا ..

طبعاً تعرفون حركات المراهقين البنت و الولد نوووم طوال النهار
و طول الليل على اللاب و المسن ..و مع كذا ما قصرت معاهم في شيء و جلسوا معانا رمضان و العيد
بعدين سافروا و بقيت عمتي ام زوجي عندنا ..تقول ما عاد أبغى ارجع عندها و تسب فيها L لدرجة اني رحمت
زوجة أخو زوجي من كثر الكلام اللي تقوله عمتي عنها ..
بعد فترة جاء اخو زوجي و زوجته اللي عمتي ما تطيقها و خدمتهم
و قمت فيهم و الله اني ما قصرت معهم بشيء اقدر اسويه ...

لما جت إجازة الصيف زوجي أصر انا نروح عندهم شهر رمضان ..و ياليتنا ما روحنا ..
رحنا قبل رمضان بأسبوع
من أول يوم
الاستقبال باين انها ما تبغانا ..و اليوم الثاني ..قمت الصباح استحيت ادخل مطبخها
اول مرة ادخل بيتها ..و الله يا بنات ما سوت لنا فطور ولا شيء تقول إذا تبغين تاكلين المطبخ قدامك
و هي لما كانت عندي اسوي الفطور و اروح اصحيها .. :(
انا عااادي كنت اساعدها اطبخ و اغسل و اكنس و اسوي معاها الفطور في رمضان
و الله يابنات بعض الاحيان ما تقوم إلا بعد أذان المغرب ..بس الضيف له ثلاث ايام ضيافه بعدين تتضايق منا براحتها ..:44:
حتى المقاضي كنت اخلي زوجي يقضي زي في بيتنا و حتى كانت
تقول لي إذا جاب شيء لا يدري زوجي و كل شويه تخلي بناتها يرسلون طلباتهم على جوال زوجي ..
عندي بنتين اكبر بناتي 3 سنوات و الصغيره سنه
و اصغر عيالها ولد عمره 5 سنوات
تخيلوا لما تجي تأكل و لدها تجي بنتي تجلس معاهم تقول اكليني زيه ..و ربي تلف و جهها ولا كنها تسمعها ..
تقول لي لو اكلتها بيزعل و يقوم ..
طيب ليه لما اأكلهم انا ياكلون و افهمهم انهم اخوان و زي بعض يسمعون كلامي و ياكلون
بس هي تقول لولدها بس انت اللي بأكلك ما عليك منها ..!!
كانت تراقبني في كل صغيره و كبيره و ش اسوي و ين اروح ...؟؟
و لما أطلع انا و زوجي تقول خذو الاولاد و الجده و خلوني انا و زوجي ..بالأول كنت اخذهم
بعدين صرت كل ما بغيت اطلع ما يدرون إلا و انا في السيارة ولا.. اشيل البيت كله معي ..


المهم ما ارتحت لتعاملها و انصدمت فيها كثييير
ماكمنت اتوقع انها كذا ..و الله ما صرت الوم عمتي إذا قالت فيها شيء ..
الحين بنتها الكبيره كلمتني تقول دقي على امي و ترجيها و حاولي فيها انا نجي عندكم بالحج ..و انا
و الله ايدي على قلبي ما عاد ابغى ادخل عليهم و لا يدخلون عليه ابد و الله اني اسمع أنها تقول فيني كلام..!!
بس قلت طالما اني ما سمعت بأذني ما راح اصدق
و المشكله ما هي بيني و بينها ..مشكلتها كيف يتعامل معي زوجي و أيش يجيب لي و ليه يطلعني و يقضي لي
حسد في حسد أعوذ بالله ..
و الله اني اتمنى لها كل خير
بس ابغى رايكم بكل صراحه ادق اعزمهم يجون عندنا و لا اطنش البنت ..
مع العلم ان زوجي عادي عنده جو و لا راحوا ...!!

56 تعليق 36,980 مشاهدة

شاركي في النقاش

سجلي الدخول لإضافة تعليق.

التعليقات

54
  1. صدقيني بازين العلاقات الرسمية مع السلفات اسئليني أنا والله خليك رسمية وقولي أنا ما اقدر ولا غيري رقم جوالك ولا اردين عليها هم بيفهمونها ومعاد يردون
  2. @hnyn_otn

    لا حبيبتي لا تدقي خليها تعرف انك ماتبيهم


    قلة ادب والله


    طنشيها وهالله الله بام زوجك كل واحد يعمل بااصله وانتي مااشاء الله عليك واضح بنت رجل وبنت اصل

تابعي تجارب أخرى من هذا القسم.