ليش نشتري فلة ونتعب بأثاثها خلونا بالدور المستاجر احسن

صادقه أنا هالحركه تقهرني وكمان الي برمضان تعزم وتحط صحون بلاستك
ودي أفجر فيها
بعضهم يكون بيته صغير فيضطر يحطها بأستراحه فنعذره ولكن بعضهم بيته كبير
يقول ينحاس ماعليش مافيه فله مابها خدم وبعدين المدام خواتها موجودات اقصد العزيمه
وترى مو كل الضيوف مهيتين عيالهم بيتك بدون حسيب
أعرف أنو في ناس عياله الحمد لله وشكر ولكن الغالب مربي عياله

انا بالنسبة لي عمري ما فكرت في بيت ملك
انا ساكنه في شقة في ارربع غرف وصاله وبيتي كله لي
يعني ما عندي غرف حريم ومجلس رجال وقفل وما تقفل
عندي مجلس واحد اجلس انا وزوجي فيه بعيد عن صجة العيال
وغرف نوم لي وحدة ولي عيالي وحدة والرابعة زوجي مسويها مكتب له ولكتبه واغراضة كامله
والصاله نجلس فيها
الجمعات الكبيرة ناخذ استراحة
امي واختي يجون ونقعد بالجلس اول الليل ونكمل السمرة بالصالة
وعندي حوش صغيرووووووووووون لعيالي
انا واهل زوجي نتجمع الحريم مرة بالشهر وناخذ شاليه والا استراحة اذا الرجال معنا
وننبسط لا احد يقول خربوا بيتي والا كسروا تحفي و لا ضيعوا اغراضي
كل يروح وهو مبسوط

والله أنك صادقه يابعد عمري:love: بس تدرين ليه نسوي كذا لان والله عيالهم مايخلون شيء في حاله وأنتي بصراحه قاطعه قلب قلبك من ناحيه بناء الفله والأثاث وعيالهم في يدينهم الحلى والأكل أشكال وألوان ويقولون لك ماعلينا منهم تبين مايخربون أثاثك وجدرانك أنتي غسلي لهم شيء يحرق الأعصاب:angry2: حلال ماهو حلالك جره على الشوك,


لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..