طليقه زوجي أعرست وبيجيب عياله عندي اللي بقلبها رحمه تدخل
زوجي العشاء كان جايب بناته وقت زيارتهن هو مطلق وعنده 4 بنات ولهن سنه و9 شهور عند أمهن بعد محاكم ومشاكل وكلن يبيهن المهم انا عندي ولد عمره 10 شهور البنات قالن له أمنا تزوجت أمس وحضرنا العرس هو سأل واحد وتأكد والحين يبي يجيب بناته ياخواتي وش أسوي وش أتصرف أنا ولدي ونفسي يالله متحملتهن وشلون أتحمل مسؤليه 4بنات أكبرهن ثاني ابتدائي نفسيتي زفت عجزت أنام وهو يلمح يقول اللي مايبي بناتي بالطقاق أتزوج لما ألقى اللي تمشي على نظامي وتبيهن غير كذا خواته يتدخلن بالتربيه يوم يجن زياره اقولهن شي يروحن خواته يخالفن الشي اللي اقوله ويقولن لهن هذي مره ابوكن مو امكن لان البنات ينادني ماما ولما اقوله يقول انا مااتحمل الحرمه الشكايه طنشي لاتدققين عماتهن ومن هالكلام أرجوكن عطني حل تكفن مالي غيركن ألجأ له انتن خواتي اترجاكن ردن عي