السلام عليكم
راح ادخل الموضوع على طول
صديقتي تشتكي وتقول زوجي بيتوتي بشكل فضيع مايطلع من البيت الا نادر ومايمديه يطلع الاورجع
هيه تحمد ربها انه ماهو صاحب حركات يعني نت ومغازل بالعكس هو شخص مستقيم ومايحب مثل هذي الاشياء
تقوله رح اسهر مع اصحابك لو مره فالاسبوع بس مافيه فايده
تقول حتى عيالي صاروا يفرحون لما يطلع
رغم انه طيب معهم ويحب يبسطهم وحتى يقول امشوا اطلعكم بس يرفضون لان طلعاته متعبه لف ودوران
المهم تقول ادعي ربي انه يسهر مثل الخلق تقول جاته دوره شهر في جده تقول المصيبه انه مابيسافر لها الا متاخر ويمكن ما يطول فيها اسبوع ويرجع وتقول انا كنت فرحانه بها لاني كنت محتاجه اشوف نفسي معاد صرت اهتم بنفسي حتى بشرتي انعدمت اذا غبت عنه دقيقه يجلس يسال عني
وتقول اذاجاء من براء تجيني ضيقه شديده ولا اطيق نفسي او بيتى اواحد
تقول دايما تجني ضيقه من وقت المغرب وخاصه اذا كان فيه
بصراحه ماتدري عن حقيقية مشاعرها اتجاهه تقول مااحس اني احبه ولااحب وقت اللى يطلبني العلاقه ادعي عليه يموت
رغم انهايحبها وبشكل قوي بس ماتبادله هذا الشعور
ادري طولت بس انا حزنت عليها لما شفت حالتها هي تطلب منكم الدعاء لها بازلة الضيقه من صدرها
وان زوجها يسافر شهر كامل تقول مافيه شي يجبرني اطلب الطلاق وعند عيال كبار وصغار
واللى مضايقها حبه الشديد لها
قولوا مشاء الله شي غصب عنها وخارج اردتها
يمكن لان وجيهم في وجيه بعض 24ساعه فصار فيه برود فالمشاعر ولاعاد هناك شوق ولهفه منها له لانه معاها على طول وتحس انها تكرهه
تكفون ادعوا لها بالخير والراحه
شاركي في النقاش
سجلي الدخول لإضافة تعليق.
التعليقات
77- عجيب امرهـآآآآ ..؟
ع العموم الله يشرح صدرهآآ - والله الحريم عكس ان طلع قالو كل يومة برى انا طفشانه
وان كان بالبيت تضايقو وقالوا نبي ناخذ راحتنا
قولولي انتو ايش الحل
وبعدين هو ما عنده دوام يكفي تاخذ راحتها وتسوي امورها - والله ماعرفنالك يذولا الحريم دنيا عجيبه والله يبعد عنها الضيقه ويشرح صدرها
- فترة دوامه تقدر تهتم بنفسها وتشتغل بنفس الوقت
وليش ماتستغل فترة وجوده مثلا يتفرجون ع التي في سوى
المغرب قهوه وحلا
يلعبون مع عيالهم
يذاكرون لهم سوى
تحمد ربها والله حنا الحريم ندور المشاكل والتعب دوره لو راعي سهر وطلعات قلنا مايقر ببيته وان جلس قلنا ليته يطلع
الله يصلح الحال بس - كل ذي نعمه محسود الله يرفع عنها اكيد احد حسدها زوجها ماشاء الله على قولة الكويتيين كنه البخت
مواضيع مشابهة
تابعي تجارب أخرى من هذا القسم.