مشكله مع اهل رجلي احكموا بينا

السلام عليكم انا صارتلي مشكله مع اهل زوجي وقررت اني اقطعهم نهائي اذا هم بيجون بيتي الله يحيهم لكن مااروحلهم ابد. المشكله بدت لمن عرف ابو زوجي ان زوجي اخذ قرض ثاني جن جنونه ليش ياخذ وعنده شك كبير انه انا اللي مخليته ياخذ لان رجلي طيب وحبيب ومطاوع للمره مره وانا يابنات والله مادريت عنه الا بعد ما اخذه وماكنت راضيه عن هاشي لانه راتبه ضعيف وانا اللي ابتضرر فالاخير المهم اني لما رحت لاهله جت السالفه وحلفت لابه اني ماادري عنه والا لي علاقه بالموضوع رد علي انا يخبي علي اما انتي لا اكيد انك تدرين والله العظيم خرجت من عندهم وانا كارهه نفسي حسيت بمهانه قدام امه وخواته المهم راحت السالفه وكنا حاجزين حنا بنسافر كلم علي ابوه قال لا يروح هو خليه يداوم قلت قله انت انا حاجزه تذكرتين ابروح لاهلي اذا بيجي معي او رحت مع اخوي المهم اني قلتله ابوك يقول لاتروح وداوم احسلك قال لو مارحت منب مداوم المهم سافرنا وجينا عالعيد سوو فيني موقف قلت خلاص بكيفهم هم بطريق وانا بطريق العاده يكلمون علينا ويبلغونا بعيدهم بالظهر او الليل فما علمون وما قالوا لرجلي شي وكلمت اعايدهم وما سئلوا وينك متى بتجين هذا يابنات غير انهم يحرضون رجلي علي كلن يكلمه من جهه عشان انا شخصيتي قويه خايفين عليه وانا متضايقه من هالشي فما يعني بالضروره عشانه طيب انا اكون خبيثه او عشان شخصيتي قويه اني ما اخاف الله واستغل طيبته وهم منزواجي ما شافوا مني الا كل خير ويعلم الله اني احثه على بر اهله وصلتهم بس هم مايدرون. وش رايكم

16 تعليق 1,690 مشاهدة

شاركي في النقاش

سجلي الدخول لإضافة تعليق.

التعليقات

16
  1. @trfyl

    اهم شيء تصير علاقتك بزوجك حلوة
    لا تجبين طاري اهله ابدا
    الا اذا فتح موضوع هو
    رددي حسبي الله ونعم الوكيل
    لكن ان شفتي زوجك متضايق انك ماتروحين لهم روحي مو عشانه لا عشان علاقتك فيه تضل حلوة وما يصير مثلهم يحس انك تضحكين عليه
    عادي روحي
    ومو لازم تستانسين
    لانك اصلا مارحتي للوناسة
    رايحة عشان مصلحتك
    اهم شي تقوى الله في كل الامور
    في نفسك وزوجك واهله
    ومن يتق الله يجعل له مخرجا
  2. @shok_fashn

    مابيدك شي هم فيهم سؤء ظن

    يعني مايثقون بولدهم ..!؟؟!

    ادعي الله وتصدقي وصلي اخر الليل

    صدقيني ربي بيسهل علاقتك مع اهله

    والله يسخركم لبعض
  3. شوفي ياعسل أفضل شيء اتقاءاً للشر ومداراة للأمور حتى لاتزيد سواءا
    خلي علاقتك رسمية جدا جدا جدا
    ولكن راعي حق الله فيهم مثلا الأعياد والمناسبات وبالذات أم وأبو زوجك

    وكرري دوما حسبنا الله ونعما الوكيل

تابعي تجارب أخرى من هذا القسم.