الدجاج بالطريقه التركيه لابو عيالي
اهلين بنات كيفكم حبيت اقولكم عن اكله تجنن ومقاديرها بسيطه سويتها لزوجي مره صار يطلبه دوم فديته وفديت طلباته نبدا اول شي تجيبين الدجاجه وتقطعينها اربع قطع وتبزرينها بمرقة ماجي وبهارات وملح وتخلطين صلصة السعوديه مع زيت زيتون تدهنين بها الدجاج من فوق فقط ثم تفزمين كزبره وثوم وتقطعين لطماط وفلفل رومي يكون تقطيعهم صغار مره وتحطينهم بشويش فوق الصلصه طبعا الدجاج بتكونين صافته في الصينيه وتكتمينه بقصدير زين وتدخلينهم الفرن من تحت لمدة ساعه بعدها تفكين القصدير وتشعلين الفرن من فوق بس للتحمير وقدميهم مع رز ابيض وايدام براحتك وبالهنا والعافيه:23: