مساء الخير شخباركم يا حلوين
ان شاء الله طيبين
نزلت لكم اليوم صور لوجبة العشاء في يوم من الايام
وهذي اول مره اشارك فيها بصور لعشانا وان شاء الله ما تكون اخرمره اكيد بتشجعيكم
وهو عباره عن تورتيلا شاورما + سلطه
وصورتها لكم بالخطوات المصوره
طريقه التحضير مع المقادير
-اول شي قطعت 2صدر دجاج وتبلته ب
علبه زبادي عصير ليمون 2 فص ثوم مهروس بهارات مشكله ملعقة كبيرة سماق شوي خل
وتركته في الثلاجه ساعتين
-قطعت بطاط و باذنجان كوسا جزر بصل على شكل اصابع
وحطيتها في صينية فرن وتبلتها ب زيت زيتون وملح وبهارات مشكله وشوي سماق وثوم بودره
وحمصتها في الفرن " هذي الطريقه اصح من القلي والذ انصحكم فيها"
-الحين نجي للحشو قطعت بصل وفلفل بارد وشوحتهم مع زيت زيتون وبعد مايذبل البصل
اضيف الدجاج والملح واحركهم الى ان تغلي بعدها اقصر النار واغطيهم الى ان تستوي
يتبع
