..|.. تجمـــــع أمــهــات التوائـــم والخدج المجـــاهدات الســهرانـــات ..|..

حبيبتي كيف حالك وكيف حال بنوتاتك؟؟

حبيبتي اذا انا سألت البنات كذا سؤال مو معناته اني اربع وعشرين ساعه بالسوق واشري لااااااااااااااا اصلا احنا ساكنين بعيييد عن الاسواق والمدينه بشكل عام مايمديني اطلع الا مره بالاسبوع او بالاسبوعين فأفضل اذا طلعت اروح مكان نصحوني فيه البنات وكذا ..

ومن ناحية اسألتي عن اللبس والبربتوزات بصراحه قبل ماأسأل البنات ودخلت سنتر بوينت ومحلات الاطفال كنت شوي وببكي مش عارفه ايش الضروري واللي بحتاجه ابداااااااا طلعت من المحل مثل مادخلت!! الين ماسألت البنات هنا والله يجزاهم خييير ويوفقهم دنيا واخره فهموني بالنسبه للبس الاطفال وايش اكثر شي احتاجه وكذا ...بنسبه لي اشوف بنات التجمع هذا افضل اني اسألهم كونهم كلهم عندهم توائم ماشالله ويساعدوني افضل من قوقل يعني هم اعرف ماشاءالله كونهم عندهم توائم ويعرفو بمستلزماتهم وايش اكثر شي احتاجه واكون مرتاحه اذا رحت وانا عارفه ايش اخذ..

وانا اسفه اذا ضايقتك بأسئلتي مع انه اغلب اسئلتي لبنات التجمع بشكل عام لكني ماستغني عن خبرتهم وهم مايقصرو وليش اتفلسف واشري من راسي وانا مش عارفه يمكن انتي ماشاء الله افضل مني تشوفي علطول كم موضوع ووتعرفي اما انا ماعرف كذا ولو احد متضايق من اسألتي من التجمع علطول بشيل قشي واطلع :( لكن اشوف ماشاء الله مايقصرو الله يعطيهم العافيه.

وحبيبتي بالنسبه للسرير انا كتبته عده مرات اني انا بجده واهلي بالشرقيه فعشان كذا كنت اسأل عن شغلات تكون خفيفه وسهله التنقل لو اني ساكنه عند اهلي جبت سرير وانتهينا لكن صعب بعدين النقل فعشان كذا كنت اسأل البنات كونهم ماشاء الله عندهم خبره.

ومن ناحيه المهد وهالشغلات اهلي مابكونو عندي اول اسبوعين من ولادتي يعني بكون لحالي مع الاطفال وخدامه اهلي لكن الخدامه مالها دخل بالاطفال خير شر هي من البدايه قايله يعني تغسل ملابسهم فقط اما تمسكهم وكذا لااا فلسه يعني باقي اسأل البنات عن الرضاعه وهالشغلات:) هههه لاني بكون اول اسبوعين لحالي معهم تخيلي!!.. مابي بكره اهل زوجي اذا زاروني يقولو ماتعرف تحط ولا ترضع ولا مدري شوو ؟؟

والله يجزاك خييير يااارب ويخليلك بناتك ويتمم حملي الى التاسع يارب ويقر عيوني بشوفتهم سليمين يارب^_^

ليونا الصورة الاولى تهبل الصبغة مع اللو لايت رايقة
برستيج الهوس الشرائي يشيل الضيقة انا ما اشتري الشنط او الالماسات الا اذا صرت متضايقة انسى كل التوفير خخخخخخ اذا لقيتي دواء اشتري علبتين الله يخليك
بنااااااااات يوم الاربعاء ان شاء الله كتاكيتي يكملوا اربع شهور العمر كله يارب لهم بهنا وسعادة وكتاكيتكم ياحبيلهم والله الوقت يمشي بسرعة كاني توني ادري اني حامل بتوام الف الحمدلله