شعور اقلق مضجعي وارهق كاهلي ...بعد ايام سيصيبني بالجنون

ياقلبي طبيعي جداً الي تحسين فيه
أنا مثلك (اللهم لك الحمد يا رب) ما رزقني ربي عيال
ودايم افكر فيهم ونفسي يرزقني ومتاكده وواثقه انو لو في وجودهم خير لي كان رزقني ربي بس متوكله على الله
وانتي ان شاء الله تفكيرك ما فيه كفر نعمه بس محتاجه تتوكلي على الله في جميع أمورك وتثقين في قدره عليك انه لمصلحتك
الله يسعدك ويوفقك ويرزقك زوج صالح يستاهلك يا قلبي  

وانتي على عمرك تعتبرين صغيره وقدامك الحياه وكل تأخيره فيها خيرها لك

الله يوفقك ويسعدك ويرزقك من باب فضله

يا شيخه بكيتيني والله العظيم
دايم اقرأ قصص المتأخرات ومااتعاطف معهم كثير مجرد ادعي لهم واطلع
لكن انتي غير ماشاء الله تبارك الرحمن عليك قدرتي توصفي معاناتك بشكل
رائع دخلني جو وحسيت اني انا انتي .
والله يا حبيبتي اقسم بالله انك باقي صغيره توك 29 او 30 باقي في قدامك عشرين سنه
فرص للزواج والحمل والولاده ليه كل هالخوف.
احمدي ربك يا حياتي
اهلك طيبين
وانتي متعلمه
وجميله وعاقله باين عليك.
عندك نعم المتزوجه ماتلاقاها.
بعض المتزوجات تورطوا والله مش كلهم سعداء
فعلا تورطت وحطت برقبتها قيد من حديد لما تتزوج
واحد ماهو بكفو وتجيب عيال تعذبهم .
او تلقين اهلها انذال وباعوها ولو ظلمها زوجها رجعوها له مثل الجاريه.
انتي لاحظي ان نساء الغرب ما يتزوجون الا بعد 32 او اكثر علشان تكون
فيها نسبة العقل والامومه ممتازه وتقدر تفتح بيت بلا مشاكل.
وحتى حور العين نساء الجنه اعمارهم 32 سنه سبحان الله
يعني انتي باقي حتى مادخلتي ثلاثين وفيك كل هالحزن.
الزواج نعمه عظيمه بس اذا جا بالوقت المناسب والرجل المناسب
وغير كذا تراه قيد وعذاب عظيم وممكن يجيب لك المرض والقولون العصبي
ههههههههههههههههههههه لاحظي اغلب المتزوجات فيهم قولون عصبي من الغيض.
عموما الله يارب يستجيب دعائي بهالفجريه ويرزقك الزوج الجميل الغني المؤمن العاشق لك
الي يسعدك ويرزقك العيال الي يهبلون يارب.