ما آتحمل ضميري بسرعة يأنبني

السلام عليكم بنات

الصراحة ضميري متعبني
لأقل شئ يأنبني
أشياء بسيطة وأشياء كبيرة.. عاد الكبيرة الله يعينني نفسيتي تتعبني مرررررررة

الأشياء البسيطة مثلا..
ولدي بالسادس الله يحفظه كان بغرفة الجلوس ويناديني ماما جيبيلي موية... عاد انا كنت منسدحة بالصالة.. قلت له أحد يطلب من أمه تجيب له موية.. وبعد شوي نام ولدي... وصرت متضايقة وماني عارفة إيش آسوي... مع إنه انا صح لأنه العيال غلط يقومون امهم حتى تجيب لهم موية أو أي شئ


وشئ ثاني بنتي من كم يوم تحن تبغى تربي قطة.. وأنا وأبوها نكرررررره تربية الحيوانات... ورافضين هالشئ رفضا باااااتا
واليوم قبل لا تنام صارت تبكي.. وهي من النوع الي دمعتها عزيزه عليها.. ونادرا مانشوفها تبكي.. وماعطيتها وجه.. ياربي حسيت إني ضلمتها.. لكن مستحيل آوافق على وجود قطة في البيت


طيب من الأشياء الكبيرة .. الي ضميري أنبني عليها .. وكلما آستغفر أحس إني مقصرة... الله يسلمكم جنب بيتنا فيه مسجد.. ومو شخص واحد يأذن .. ناس متنوعة .. واحد منهم أداءه للأذان طويل بطريقة غريبة ما آحب أوصفه كيف.. فمادري كيف إستهزءت بأداءة.. يااارب إغفرلي يااارب إغفرلي.. لا حول ولا قوة إلا بالله وانا آكتب هالجملة الدمعة مالية عيني


طيب الأشياء الكبيرة تستاهل إنه ضميري يأنبني.. لكن الصغيرة ليه... تعب تعب ... ومن ضمن الأشياء الصغيرة... مرة قلت لأبو العيال إني بانام بعد نص ساعة ولكني سهرت أكثر.. حسيت إني إقترفت خطأ كبيييير ماني عارفة آصلحة

ياناس يا عالم فيه ناس كذا ولا أنا فيني شئ؟؟؟!!!!

4 تعليق 3,818 مشاهدة

شاركي في النقاش

سجلي الدخول لإضافة تعليق.

التعليقات

4
  1. @shadn_m

    حبيبتي السبب في تضايقك من تصرفك مع عيالك هوعاطفة الامومه انصحك لاتخضعين لهم في شي لمصلحتهم ولاتحسسينهم انك تتضايقين وتندمين على تصرفك معاهم خليك قويه قدامهم واقنعي نفسك انك ماسويتي كذا الا لانك تحبينهم وتبغينهم احسن الناس ووضحي لبنتك ليش رافضه القطط مولانك ماتحبينها لانها تجيب امراض
    اما استهزائك بالمؤذن يحق لك تضايقين استغفري وتوبي الى الله ولاتنسين ان ربك غفور رحيم ولا تقنطي من رحمته
  2. @shfth_bfrh

    صاحبة الموضوع
    يجزاك الله خير شادن
    الصراحة كلامك ريحني

    الله يسعدك دنيا وآخرة

    اشكرك كثيرا على نصيحتك.... الله يغفر لي
    كلما آتذكر يجيني البكاء وآخذ في الإستغفار راجية من الله سبحانه وتعالى إنه يغفر لي ذنبي
  3. @ghng_alshrky

    ضميرك ينأبك طيب شيء جمييل
    الضمير طالما كان حي ,, فهو ينبهك و يحذرك من الخطأ
    ويخليك تخافين من ارتكااب المعاصي بعد الله

    بالنسبة للاخطاء الكبيرة مثل الاستهزاء بالمؤذن اي هذا يحق لك تزعلين و تتضايقين ,, وانا عاارفة ان مو قصدك و زلة لسان

    اما بالنسبة للاولاد لا خليك حازمة معهم و لا تظهرين انك زعلتي
    او تلبين لهم الطلب
    عشان مصلحتهم يا خيتي
    لانو لو بينتي عاطفتك يصيرون ما يسمع كلمة و بتصير طلباتهم غريبة عجيبة
    فلذلك خليك حازمة و مرتخية في اوقاات تطلب منك هالشيء

    اما القطة قولي لبنتك القطة مو زينة
    يعني خوفيها من القطط
    والله يوفقك يا رب و ينولك مراادك
    ويجعلهم اولاد صالحين و قرة عينك امييييييييييين
  4. @fooofaaa_1

    انا زييييييييييييك والله على اتفه الاسباب يقعد ضميري يأنبني

    خاصة مع امي اقلها الحقيقه لو انها تزعلها ولا اخبي عنها شي

    اذا كذبت او خبيت عنها مااارتاح طوول اليوم الا لمن اعلمها بعدها تزعل عليا تهاوشني عادي اتحمل ولا اقعد طول اليوم وضميري تعبان

    الله يعينني بكره اذا سرت أم ان شااءالله كيف با اسيطر على ضميري

تابعي تجارب أخرى من هذا القسم.