مرحبا ام باسل معاج ام باسل
عمري 22 او 23 :) وزوجي عمره 27 او 28 حلووه مو متأكده :arb:
وعندي بسوله عمره سنتين ونص
المهم يالغلا الله بفرج عليج ردي علي بسرعه لاني بمشكله والحلمين الي حلمتهم ورا بعض وبعد صلاه استخاره
الحلم الاول : حلم اني راكبه نفس (الدردور) الي يكون بالملاهي الي يصعد فوووق وينزل تحت بس بمااي مو متأكده من اسمه المهم لمن وصلت فووق لقيت ناس ماعرفهم يشجعوني لاني ركبت اللعبه واهي صعبه المهم لمن عبالي اللعبه خلصت وبنزل منها وكنت بروحي طبعا طلعت نهايه اللعبه انها تنزل حيل من فوق لتحت والنزول يكون في بحر وممكن اني اموت ساعتها حسيت بخوف كبير وحسيت من جد اني راح ااموت وانا نايمه حسيت بكتمه شديده وكأن روحي بتطلع بس اجتزت هالنزله المهم بعدين شفت روحي مع زوجي في مطعم قديم وفيه قسم للعوائل وقسم للرجال وكان فيه جنبنا عائله حسيت ان بينا وبينهم مشكله مع اننا مانعرفهم المهم اهو قال بنروح نركب اللعبه وانا خفت لاني جربتها من قبل وخايفه اموت ورفضت قال عادي اهم بيعطونا ابر ومهدئات عشان مانحس بالخوف ويكفي اننا مع بعض بس رفضت ونزلت بعدين شفت بالمنام اننا بالمطعم مره ثانيه وكأن معانا مثل المنظف (فيري او فانش)وقال بنعطيه الناس عشان يغسلون فيه وبين ماحنا نركض وهو ماسكني بأيدي وانا مو متغطيه واحنا نمشي بين اقسام الرياجيل والحريم واشوف مجموعه بنات يطالعونا الين وصلنا قسم الرياجيل وحطينا المنظف في مكان المغاسل والرياجيل يناظرونا ... والحلم كان قبل صلاه الفجر
نتواصل بعد انقطاع مع0000تفسير الاحلام0000
متابعة النقاش، صفحة 131