اكلم زوجي تعبت والله الله يوفق من تساعدني والله لاتصدق عنها

صباح الخير



بنات اعذروني على كلامي لاني مواصله مانمت ومتضايقه
محتاجه رايكم خواتي

زوجي متغير علي كنا نتزاعل مرتين 3مرات بالاسبوع ونتصالح مثل اي زوجين

بس لنا شهر كل يوم مشكله والله العظيم على اشياء تافهه مثلا مره سويت العشا وماعجب زوجي زعل طول اليوم وماكلمني الا اليوم الثاني

ومره رحت للمستشفي بودي بنتي وكنت مستعجله ونسيت البسها الجزمه زعل ويصارخ وماكلمني طول اليوم يقول ليه مالبستيها بنتي عمرها 8شهور اصلا ماتمشي


اذا طلبت عشا من المطعم وماعجبه زعل :mad:طيب انا وش دخلني يقول انتي اخترتي المطعم :icon33:



واشياء كثيره وتافهه بس يزعل وينكد علي طول اليوم ويكبر الموضوع ومايكلمني واذا رحت للسوق او اي مكان مايكلمني وبس معصب


وفيه اشياء كثيره جرحني فيها مقدر اكتبها

حتى ال....... مايفكر فيه وكرهني فيه يقول انتي تبين :44: يعني هو مايبي بس علشاني احسه مايهنم

مايعطيني مصروف كل شهر
اذا بشتري شي يعطيني يعني 500ونادرا اخذ 1000لي ولبنتي اذا مناسبه او عيد

ويعطيني اذا رحت لاهلي يقولي انتي ماديه وتحبين الفلوس والهدايا والله العظيم بكمل من زواجي 3سنوات بس

مره عطاني هديه لما جبت بنتي بس وماعمري طلبت منه هديه والفلوس مااخذ الا للضروره زعلت من كلامه قلت انت ظلمتني بكلامك بعدين قال انا مااقصدك انا اقصد الحريم بشكل عام :09:


الشهر اللي طاف تعبت وبس ابكي وصار فيني خوف وضيقه وماانام الا اسمع سوره البقره كله بسبته


انا الحين عند اهلي بمدينه ثانيه زياره وزوجي بيجي ياخذني بعد كم يوم ابي رايكم بنات اكلمه واقوله كل اللي بقلبي واني متضايقه من معاملته لي

احسه ملاحظ يقول انتي ماترسلين لي ولاتكلميني غصبا علي بنات والله الشهر اللي طاف كانت حياتي جحيم بمدينه بروحي وزوجي كل يوم مشاكل والله لو اسولف عليه سالفه عاديه قلب علي لو اقرا له برودكاست قال تفاهه او سخافه

يقولي والله احبك مااصدقه يحبني ويسوي كذا


انا بكمل 3سنوات من زواجتنا الحمدالله مهتمه بنفسي ولبسي وكل شي وكنت اعشقه وادلعه ومااحب ابعد عنه ولااطول عنه

الحين خايفه ارد له معاملته تغيرت معي حيييييل واخر مره قالي وشلون بنعيش كذا كل يوم مشاكل :mad:انصدمت هو سبب المشاكل


لاتقولون وحده بحياته لا انا متأكده

يرسل لي مسجات شعر وغزل وانه مشتاق بس ادري اذا رديت بنرجع للمشاكل وصرت مااتصل ولا ارسل الانادرا يمكن يحس ويشتاق لي جد

اكلمه واذا كلمته وش اقوله ابيه يتغير

وجرحني بموضوع قبل كم شهر ولحد الحين مانسيت ودي افتح الموضوع معه لاني قبل سكت من الصدمه بس مانسيت



انا اتقبل النصيحه بس اللي تجرحني وتغلط الله لايسامحها

25 تعليق 4,945 مشاهدة

شاركي في النقاش

سجلي الدخول لإضافة تعليق.

التعليقات

24
  1. @rfaaa_algmal

    انا اشوف انه احسن شي انك تتكلمي معاه وتوضحيله الامور عشان ترتاحين
    الصراحه احسن شي في هذي الامور امكن في شي مضايقه بس يعبر بالعصبيه
    صدقيني كل زوجين يمرون بعض المراحل يكونو غير متفقين بس اهم شي الاحترام
    بين الطرفين لنه اذا مافي احترام ماراح تمشي الحياه
    والله يوفقكي ويسعدكي ان شاء الله
  2. @that_alaafaf

    لاتواجهيه مدام انك اتعدل وياكيمكن عندة ضغوط او شي ويوم سبتية حس بقيمتك
    المهم ابدي صفحة جيدة
    وان غلط عليك خلية يهدا وكلمية بهدوء
    انتي لانك ما زعلتي من تصرفاتة يمكن حس بذنب تجهاهك
    حصني بيتك ونفسك بالقران واذكار الصبح والمساء وسورة البقرة
    يمكن نفس جاتكم الناس يحسدو على كل صغيرة لو كانت قد الذرة
    الله يسخر كم لبعض
  3. عادي يالغلا الرجال ما تدرين شلون يعبرون عن حبهم .. يعني في ناس تسوي المشاكل من الحب نفسه ..
    بس إنتِ حاولي تلمحين له على الأشياء اللي تضايقك واختاري الأوقات المناسبة ومو كلها مرة واحدة علشان لا يصير شيء ,,
    مممممم وعلى سالفة الأكل اختاري من المطعم اللي يحبه أو دايم يمدحه وسوي له الأكلات اللي تعجبه ..
    وسالفة جزمة بنتك ما عليه ما صار شيء يعني مشيها له .. ولا تشيليها بقلبك
    وعلى قولتهم الحياة أخذ وعطى
    ربي يسهل لك ويوفقك يالغلا :)
  4. @bnt_almsk_1

    إلا بالعكس كلميه وقولي له كل اللي بخاطرك لا تخلين شي بصدرك إنتي بشر ولك حق على نفسك

    راعي حقوق ذاتك قبل حقوق زوجك ..

    ماراح نقول لك وش تقولين له لو كلمتيه لأن الكلام بيجري على لسانك من الشي اللي أنتي حاسته بداخلك ..

    والله يسخره لك ومايشووف ومن الناس غيرك

تابعي تجارب أخرى من هذا القسم.