البنات السعوديات بدل الحبشيات

@hlaoh_msash

طالب عدد من الفتيات السعوديات بان يعملوا في المنازل بعد اللي سمعوه عن ارتفاع رواتب الشغالات الحيشيات وقالو انهم

مستعدين للعمل وان الرواتب مغريه وانهم يتميزون عن الحبشيات بانهم لا ولن يفكروا مجرد تفكير بالهرب وان رواتبهم

تكفيهم بزياده واحسن من رواتب العديد من الوظائف الحكوميه والخاصه ويتعهدون للاسر السعوديه اللي تخاف من تاثيرهم

على ازواجهم واولادهم بان يلتزموا بالاخلاق الحميده وانهم سوف يعملون من الساعه السابعه او الثامنه صباحا الى

الساعه العاشره مساء وبالحجاب الشرعي الكامل ويناشدون الاسر السعوديه بان تشغلهم ) هاه ايش رايكم ؟ تراني امزح

معاكم لكن في الحقيقه هذي الافكار صارت تراود الكثير من السعوديات تدرون ليش لان الرواتب اللي قاعدين تدفعونها

للحيشيات صارت تغريهم اجل صارت الرواتب على خمسه الاف حشا راتب موظف ان االلي ابغى اعرفه هذي اللي يعطونها

ثلاثه الاف ولا اربعه الاف ولا حتى الفين ايش قاعده تسوي زياده عن الشغالات ابوثمنميه او الف كل هذا عشان ما

عندها اقامه طيب هذا السبب المفروض يرخصها مو يغليها لانها هاربه وممكن تكون مريضه وممكن تكون مجرمه لا

والدلع يقطر منها تقطير شيئ يمغص البطن وغير كذا النظافه في وادي وهم في وادي ثاني والله حاله فالشاهد يا طويلات

العمر اني لقيت لكم حل تبغون تعرفون ايش هوه؟ اقلكم.... الحين كل البيوت السعوديه مليانه بنات الله يحفظهم لأهاليهم انا اقول

ما دام ان عندنا الاستعداد انا ندفع من الف وثمنميه الى خمسه الاف فليش ما كل ام تاخذ الفلوس هذي وتشغل بنتها عندها

في البيت واخر الشهر تعطيها الفلوس اللي كانت بتعطيها للشغاله وبنتها اولى بالفلوس هذي من الاغراب وبكذا البنت يكون

عندها اكتفاء ذاتي من الفلوس والام تفتك من طلباتها وفي نفس الوقت تتعلم البنت شغل البيت على اصوله ويكون هذا

الحل لصالح الجميع والله الموفق اللى سواء السبيل

29 تعليق 2,545 مشاهدة

0 0

شاركي في النقاش

سجلي الدخول لإضافة تعليق.

التعليقات

27

  2. @godalgod0

    من قال ان الخادمات وصلن ل5000 >>عساي اخدم روحي اروح اخدم للناس الله لايحيجنا لمثل هالشغله والله لو راتبه عشرين الف صعبه

تابعي تجارب أخرى من هذا القسم.