حزنانه على يوم زواجي

السلام عليكم
كيفكم
انا عندي موضوع مررره محزنني من زواجي له اربع سنوات كان يوم زواجنا زوجي مستأجر افضل وافخم فندق بالمنطقه اللي احنا فيها ومحظر القاتو اللي تجنن وكاسات عصير حاطهم على الطاوله والشموع اللي على الجدار قبل زفتنا طبعا :icon33:انزفينا بالفندق وانا اتكشخت ومكياجي كان هادي وحلووو مره وشرعتي تهبل كان فيها لولو ومو نافشه حيل ولونها غالب عليه الذهبي وتسريحة شعري تهبل مو مره نافشه كانت هاديه يعني مررره كاشخه والله ماامدح نفسي بس من القهر اللي انا فيه:icon33:
وهو بعد فادع بروحه :arb:
والله عشت احلى ذكرياتي بشهر العسل ماشاء الله :icon28:

المهم جا وقت الزفه وانزفينا بشكل حلو انا جالسه على الكرسي وهو دخل علي
انا ماعندي خوات متزوجات ينصحوني يعني لازم التصوير عشان الذكريات الحلوه انا كل همي قبل زواجي اني اعجبه وبس مايهمني الصور وامي ماتهمها بعد تعرفون الامهات مايهمهم وبعدين انا ماتذكرت التصوير الا قبل الزواج بكم يوم وانا مفلسه واهلي بعد يعني مايقدرون يعطوني 1500 عشان التصوير وانا حيويه كنت اقول ويييييييييي وفشله اروح لهم واقول عطوني فلوس ابي احجز مصوره وامي من النوع النقاد وماهي قريبه مني ابد يوم كان معي فلوس كل يوم تجيني وتاخذ من فلوسي وتعطي اخوي وما هميتها ابد وانا استحي اعطيهم اللي يبون لين خلصو اللي معي وما بقى شي للتصوير
اللي قاهرني وحار تسبدي اني ماصورت الا صوره وحده والباقي احترقووو خالتي قالت عندي كمره شاريتها ب2000 حلوه اثاريها ما تعرف لها صورة وكل الصور انحذفو الاصورتين :mad:وزوجي صورني صورتين بكمرته الخاصه :(
والله ياخواتي كل مااشوف وحده مصوره ليلة زواجها ودي ابكي من القهر انا كاشخه وزوجي كاشخ والفندق يهبل وبلإخير ماصورة والله دايم افكر مع ان فات 4 سنوات بس للحين القهر فيني حتى زوجي كمان احس صارت فيني عقده نفسيه يعني كل شي كاااااااامل وحلو وذوق الا التصوير بس
لا تقلن خبله بس والله حبيت افضفض واطلع الحره اللي فيني اللي لها 4 سنوات

47 تعليق 15,332 مشاهدة

شاركي في النقاش

سجلي الدخول لإضافة تعليق.

التعليقات

47
  1. @thlg_albyt

    الحمد لله ان الله جمعك فيه على خير وقضيتو اجمل الأيام والي ر راح راح
    اهم شي يالحلوة لا تخربي الحاضر بالماضي والزعل ما يرجع شي ابدا عيشي حياتك ويوم ذكرى زواجك او اي يوم البسي فستانك وتصلحي وجيبي مصورة وتصوري انتي وهو
  2. لا عادي لا تقولي كذا على نفسك كل انسان تمر عليه اشياء ينقهر عليها
    لكن لازم تنسين نفسك لانه خلاص ماضي ما راح يرجع و لا يتغير
  3. @asdaaa_msm

    لا تزعلين ولا شيء

    هذا احنا صورنا وانبسطنا بالصور اشوي وبعديت ابتلينا بهم والله اني في قلق وخوف عليهم ينسرقوا في يوم من الايام خصوصا الحين الدنيا مالها امان

    صدقتي ما عندك صور اريح من القلق اللي نعيش فيه كلما خرجنا من البيت فترة طويلة او سافرنا

تابعي تجارب أخرى من هذا القسم.