..|.. تجمـــــع أمــهــات التوائـــم والخدج المجـــاهدات الســهرانـــات ..|..

متابعة النقاش، صفحة 248

شاركي في النقاش

سجلي الدخول لإضافة تعليق.

التعليقات

1,922

  1. @am_lyooony

    الله يهؤن عليكم يااارب
    ؤيعينكم

    حبيت اسأل كل ؤحده حملت بالتؤام كيف عرفتؤا انكم حاملين بتؤام
    قبل السؤنار

    ياااااااااااااااااااااارب يكؤن اللي فبطني تؤام

  2. @am_alnono_5

    ياا عمري يادانات والله ماقصرتي ابدددد

    ابشري بالدعوات باذن الله

    طيب معليش بسالك اقدر اختار استشاري معين بالاسم؟؟ ومن افضل استشاري عندهم في حالة التوام؟؟

    وهل اذا ولادتي طبيعي يولدني رجال ؟؟

    ابي حرمة تولدني اذا طبيعي ،، واستشاري اذا قيصري << تتشرط

    والغرفه الخاصه العادية بكم ؟؟

    وهل يطعمونهم تطعيمة الولادة اظن الدرن؟؟

    طيب بصراحه عيب فيهم هالشي ان التوام يكونون عندك علا طول حتى بوقت الزيارة وكذا،، اتوقع الجامعي اريح من هالناحية

  3. @rhf_bnt_alkoyt

    أم ليوووني
    الله يهؤن عليكم يااارب ؤيعينكم حبيت اسأل كل ؤحده حملت بالتؤام كيف عرفتؤا انكم حاملين بتؤام قبل السؤنار ياااااااااااااااااااااارب يكؤن اللي فبطني تؤام



    الله يحييج ياقلبي

    ترا التجميل مع الولادة مو ذاك التجميل الخطير مجرد انقاذ ما يمكن انقاذه :42:
    يعني القطعه اللي شالوها من البطن عرضها 3 اصابع تقريبا
    لكن الحمدلله احسن من ولا شي
    بس كنت متحلفه بنفسي رياضه ورجيم لكن للحين ما احس فيني حيل اهتم بنفسي
    زين مني اتسبح واستشور شعري





    تحبج العافية يا قلبي والله انا بعد احبج وسبحان الله الطيبة بنت الاصل تبين لو من ورا الكيبورد
    كل البرامج اللي قلتي عنها مو عندي بس عندي واتس اب اذا عادي عندج اعطيج رقمي





    شلونج رفرف
    يوم الخميس قالوا خواتي طلعي واحنا نمسك بناتج
    رحت السوق والله لما طلعت وشفت الجو والبراد والناس قلت الله الناس عايشين
    حسيت نفسي جايه من كوكب ثاني

    ولا تصيرين طماعه طول الصيف الجو عندكم يهبل واحنا منشويين :22:
    والله اهل الكويت يكسرون الخاطر بس مرت علينا نسمة براد تلاقين الناس كلها برا وكلهم حاطين ستاتس عن الجو
    وماشالله السوق كله سعوديين يا حبي لهم <<<< صح مكان الجملة ؟؟ يعني بقلد



    الله يخليه لج والله ذكرتيني بنتي كانت لما ترجع ويطلع من خشمها اركض بالبيت ادور احد ينقذني
    بس قوي قلبج وتتعلمين

    اللي يفحط تضغطين عليه مكان البامبرز مكان فتحة الشرج <<< سوري عالوصف
    يقولون عشان يتنفس وبنفس الوقت نفخي على راسه ناحية الجبهة
    وسبحان الله هذا يصير طبع بالياهل بس يكبر تخف منه هالحالة ولازم تعرفين تتصرفين
    بالنسبة للطلعة والبكي انا ما رحت معاهم الا للطبيب وانا شايله واحده والخادمة واحدة ودايما قبل لا تطلعين تأكدي ان راضع ومبدله البامبرز ولا تغطينه وايد لان البيبي يتضايق من كثر الاغطيه بس لفه واحده وقللوا عالتكيف



    الله يخليهم لج حلوة اساميهم ربي يجعلهم من الذرية الصالحة




    لا خليج على مهاداتنا العادية مالت سنتربوينت
    المهاد اللزق مال مذركير مو لعيالنا لانهم كبااااار حيل والله تصلح لبيبي عمره 6 اشهر
    انا شريتهم لبناتي ولاتشوفينهم شلون ضايعين فيه لو اخليهم فيه بيطيحون داخله وادورهم




    ماكو شي مضمون واكيد الا السونار الداخلي لان يبين من الاسبوع السابع
    وممكن تسوين تحليل هرموني اذا طلع مرتفع حيل معناته توائم مع ان حتى التحليل مو دليل لان في حريم يحملون بواحد وهم الهرمون عالي
    الله يرزقج بالتوأم السليم عاجلا غير اجل
    ،،،،،،،،،،

    بنات بسألكم التطعيم تطعمونهم اثنينهم بنفس اليوم ولا كل واحد بيوم عشان ما تتعبون
    لان شفت بنت اختي مطعمينها ومسكينة تكسر الخاطر طول اليوم تبكي

    ،،،،،،،،،.

    وشغله ثانيه تعطون بيبياتكم مصاصة ؟؟؟؟؟؟

    انا كنت مفكره اني ما اعطيهم بس اسم الله عليهم بالذات ليونا عصبيه حيييل وما تخليني ارضع اختها جم مره اقطع رضعة ريان عشان افتك من صراخ ليان

    واخرتها ريون ترجع ويأنبني ضميري

  4. @danaaat

    ام النونو
    شوفي ياعيني هو قسم استشاري واحد بهاء الدين سلوت والباقي طبيبات هنديات وشامية بس ممتازات جدا وتمرين عليهم كلهم والغرفة اعتقد ب٦٠٠ في اليوم الذاكرة انمسحت مع الولادة وكل شي على راحتك بس عيبهم الوحيد انو البيبيات عندك كل الوقت والا كل مراجعة باشعة نفس الطبيب يعملها لك غير التفصيلية واستخيري ياحلوة وربي يكتبلك الاصلح
    رهف
    تسلمين يالغلا والله بخاطري جية للكويت خص عندكم بعض المولات المميزة بس زوجي يقول مستحيل السفر لين يكبرون شويتين هالكتاكيت الله يحفظهم وبالنسبة للتطعيم لا والله انا مو مع بعض عشان اقدر انتبه له واعمله كمادات عالابرة واخليه ليلتين معاي عالسرير عشان اخاف من الحرارة ويصير بس يبكي ويبي الشيل وما اقدر لهم مع بعض كذا اريح لي واعطي كل واحد فيهم اهتمام كويس
    ام وئاد سوري ما انتبهت للتحذير خلاص توبة من دي النوبة 

تابعي تجارب أخرى من هذا القسم.