شاركي في النقاش

سجلي الدخول لإضافة تعليق.

التعليقات

95
  1. مانصحك بالخدامه
    انت عليك بحاجتين
    اول شي
    نظمي نوم عيالك عشان يناموا ويصحوا بدري
    لا تصرخي ابدا عليهم لان الواضح انهم تعودوا,,
    ثاني شي
    حببيهم في بعض لا تشوفيهم وتخليهم
    ثالث شي
    التربيه ربيهم ع الصالح شغلي التي في بغرفتهم جيبي لهم اللعاب تشغلهم
    احرميهم هذا الوقت تقدري تسيطري عليهم اذا كبروا والله ماعاد ينفع الكلام
  2. @rkayz_1

    اختي يمكن انتي عصبيه وحاره والاولاد ياخذون طبعك وكل ماكنتي هادئه العيال راح
    يصبرون هادين نصيحه هدي شوي وطولي بالك على الاولاد وحاولي تتكلمين معاهم كثيرراح تتعبين
    معاهم بس راح تتطلعين بنتيجه ونظمي نومهم حتى بالعطل والكبار اعطيهم اعمال يسونها بس لاتكون خطره
    وسوي جدول لهم ومن يسمع الكلام له مكافئه ونصيحه الشغاله لاتجيبينها راح تزيد الطين بله وانتي مانتي ناقصه وجع راس...
  3. @shfth_bfrh

    بالنسبة لمعاملة بنتك

    بنتي الكبيرة الله يحفظها لما كانت في الإبتدائي وبالأخص من صف الثاني لي الصف الخامس
    كانت تعاملني بكره... مع إنها ما كانت تتشاجر مع أخوانها هادئة بالمررررررة

    بس معاملتها معاي تصارخ وكأنها تكرهني.. وماكانت تعاملني كبنت لأم
    إشتكيت لمعلمة في مادة عندنا بالبحرين إسمها (( الكورت))
    وقالت لي اكيد تصارخين عليها... قلت لها من التعب والقهر وآضربها كمان
    قالت طيب اول العلاج منك
    قرري غنك توقفين الصراخ والضرب بتلقينه صعب .. بس شوي شوي بتتعودين
    وصحيح حاولت آمسك نفسي وآقابل إنفعالاتها بالسكوت وأحيانا بالضحك... حتى آغطي العصبية الي تجيني
    ولما كلمت المعلمة إني هدأت... قالت لي شو لا حظتي على بنتك
    قلت لها هدئت بعدي بإسبوع تقريبا... بس للحين تعاملني ببغض
    قالت صادقيها .. كلميها عن اشياء تفرحك عن طفولتك أي شئ

    والحمد لله تحسن الحال معاها وصرنا صديقات ولله الحمد
    بس الحين صارت تتملل تسمع عن طفولتي... هههه لأني طفرتها يوم كانت صغيرة بسواليفي
    والله يهدي بنتك ويصلحها

تابعي تجارب أخرى من هذا القسم.