~|| ملف للزوجات الثانيات ||~

الطفله النائمه


انا تزوجت بالاول شاب و تطلقت منه على طول
اصلا كنت اغلب الوقت في بيت اهلي لأنه عاجز
و كان بخيييييل مره و لسانه وصخ و ما في بيننا اي تفاهم كان سخيف و يجيب الهم
ما قدرت اتحمله و طلبت الطلاق بالمحكمه لانه كان رافض الطلاق

و تزوجت بعد العده من زوجي هذا مرررره عاجبني و مالي عيني
صحيح بيننا فرق ٢٣ سنه بس متفاهمين و حبوب و عقليته متفتحه و فررري
من جد احبه بشكل جنوني اغار عليه بس ما ابين له <<<< مدري ليش ؟؟؟

و حتى هوه يحبني و مرتاح معايا و مو مقصر بأي شي
بس المشكله اني حاليا بالسر ...
هوه اعلن و الكل بارك له بالزواج .. حتى اخو زوجته بارك له و كلم اخته و قالها
زوجك ما سوى شي غلط ... و بنت الناس مالها ذنب عشان يطلقها
بس بالنهايه كلام زوجته و عياله هو اللي صار و طلقني و رجعني مره ثانيه بالسر

 هوه خاف عليا لأن عياله قالو اذا ما طلقتها بنقتلها
و الله يستر و يسهل


و بس هذه قصة حياتي بأختصار

خلود،
حتى عضوات الملف تعاملو معك بكل احترام حتى في اختلاف وجهات النظر ردو عليك ب احترام ،،
والبنات اللي علقو ع موضوعك > كل واحد يتكلم عن نفسه
انا للامانه ضحكة من التعليق نفسه ماكان قصدي انتي ومع ذلك اعتذرت منك بس تصرفك بدخول ملف واظهار مواضيع غيرك ما كان تصرف لبق ومحترم منك ،، على فكره ماقللتي من احترام { وله قلبي }
ب العكس اظهرتي حسن حفاظها ع بيتها وزوجها .

صباياااااا كيفكون حبيباتي قلبي ؟

واي اكشن مستوي في الملف فديتكن والله ,,

على قلب واحد ربي لا يحرمني منكن

حبيبتي خلود ,,

انا مب ضدك ,, بقولج وين الغلط اللي طحتي فيه ,, قلتي ان الوحده تقبل بالمتزوج لما تكون يائسه او طفشانه !! وكل ردودك في الملف اللي تنتقص من قدر الزوجه الثانيه بشكل عام ومطلق !! والافكار السلبيه اللي تحاولين تبثينها من باب حرية الرأي !! والا انتي كشخص انا مابيني وبينك مشكله ابدا مادري ليش تاخذين الامور بطريقه شخصيه !!

نرجع لموضوعي اللي لما كنت بزر من خمسين سنه خخخخخ الموضوع ياقمر الله يسلمج ,, من يوم يومي عاقله ولا احب المشاكل دايم احسب الامور بمنطقيه وبعيد عن العاطفه ,, يعني في سنه اولي زواج كانت لي بعض التصرفات اللي انا اشوفها صحيحه لكن بعض النفوس المريضه تستغلها وتعتبرها حق مكتسب مثلا ,, اذا مرض حد من عيال زوجي كنت اصر انه يبات لو احتاج مستشفى لاسمح الله خصوصا حرمته ماكانت تسوق ,, او هي مثلا على وجه ولاده ماكان عندي مشكله انه يبات عندها ,, انسانيتي هذه كانت رغم ايجابيتها الا انها فسرت بطريقه سلبيه لان الطرف الآخر ماقدر يستوعبها واراد ان يستغلها لصالحه !! فكان الطرف الثاني يطلب وقت اضافي على حسب العدد خخخخ اضحك الله سنك ذكرتيني بالذي مضي ,,
وقتها كنت صغيره سن وتفكيري بريئ و واضحه يعني ماعرف حركات اللف والدوران وما افهم في الكيد وايد ,,

واحب اقولج ياعزيزتي ان اي حياه جديده تقبلين عليها علشان تتكيفين معاها لابد من المصاعب اللي تحتاج لصبر وحسن معالجه وخصوصا للي مايكون لها خبره ودرايه ,, فكيف بالحياه الزوجيه اللي يلتقي بها شخصين من بيئات مختلفه وبشخصيات قد تكون النقيض لابد يكون فيها خلافات والسنوات اللي تعتبر الحكم والفيصل في عمر هذا الزواج مدتها خمس من بعدها اما لنجاح او لفشل ,, هذا الزواج العادي فمالك لو يكون هناك طرف ثالث هدفه التخريب ؟

وعلى فكره الطرف الثالث هذا مب شرط يكون زوجه أولى ,, ممكن تكون ام غيوره أو اخت أو حتى أب ,, والمشاكل تتنوع وتتفاوت وتبقي النقطه الاهم هي كيف نتجاوزها بسلام ! النقطه اللي ابا اوصلج اياها ان الحياه لاتصفوا لأحد والا لصفت للانبياء والرسل ,, وان مهما كنت سعيده لابد يكون في حياتك منغص سواء كان يتمثل في شخص او ماده او وضع اجتماعي الي آخره ,,


الفرق بيني وبينج ان تجربتي واخطائي ان جاز لي تسميتها بذلك خلت عودي صلب جدا ,, وادراكي وقياسي للامور اشمل مما تتصورين ,, والاهم بالي طويل ,, وابدا ردودي ماتكون مبنيه على المركزيه بقدر ماتكون فكريه بحته ,, بمعني اني لما اناقشج ما اتحاور وياج كشخص بل انظر لفكرج وعليه يكون توجهي مع او ضد ,,

والحمدلله رب العالمين ياخلود ,, حياتي الزوجيه بشكل عام مثاليه ,, وما ابا اخوض في تفاصيلها لاني قدرت بفضل الله وتوفيقه اكون لزوجي كما يحب وخليته لي كما احب ,, وتراها السعاده ياحبيبتي داخليه نحن اللي نخلقها والانسان العاقل هو اللي يسخر الظروف ويمشيها وفق رغباته ولايخليها هي اللي تحكمه ويكون لها أسير

اتمنى يكون كلامي هذا مافيه لبس بالنسبه لج ,, وان كنت مازلت ترين اني متناقضه فهذا شأنك اختي ,,
ردي هذا مب تبرير بقدر ماهو محاوله اخيره منى لإيصالك لنقطه وسط وهي اني مب ضدك كشخص ,,وانما بعض افكارك اللي تطرحنيها هي نقطة الخلاف فقط لاغير

حيّاج اختي