شاركي في النقاش

سجلي الدخول لإضافة تعليق.

التعليقات

66
  1. @aghlaaa_ansan

    الله يكون بعونك
    بس فكري مع نفسك وش استفدتي من هالزوج
    لا ينفق عليك ولا يعطيك حقوقك الشرعيه حتى الاولاد مايبي
    وش تبين به مغير وجع راس وسحب فلوس منك هذا مب كفو رجال
    اتكلي على الله وتطلقي منه وان شالله ربي يزقك بواحد افضل منه
    واذا على اهلك بيتقبلون الوضع انتي بنتهم ماراح يخلونك وحتى لو علقو عليك
    خلاص انتي غلطتي وان شالله تتصلح
    كلن يغلط مهنا احد معصوم من الخطاء
  2. @frhalaamr

    الله يكون بعونك ياااارب ويفرج همك
    قلبتي على المواجع
    انا زوجي شبه زوجك بس انا زوجي مريض نفسي وموضف وراتبه مااااااادري وين يروح
    ذهبي كله راح مع انه لساماجالي سنتين من تزوجت صرررفه مررررة
    قليل وهاجرني يمكن بالشهرمرة تخيلي المشكله يسب ويتلفظ وهواش ومضارب
    واذاقلت له يبن الناس هذي ماهي عيشه اخاف اكسب ذنبك بسببك اتركني وخلني ارجع لاهلي
    والله يبنات يجلس يبكي او يصيبه زي الخوف
    مع اني ولله الحمدمستخيرة قبل بس وش نقول اقدارمكتوبه


    معليش اختي خرجت عن موضوعك لاني حاااااااسه فيك ومعانيه بحياتي
    الله يفرج علي وعليك بها اليوم المبارك
  3. @roaby11

    انا اشوف لا تطلبي الطلاق لان الطلاق يبغاه منك وبكذا هو الكسبان وانتي الخسرانه

    الشي الثاني انتي غلطانه
    ليش طلعتي من بيتك
    الزوجه مهما كانت الخلافات ماتطلع من بيتها لان لو زوجك يبغى يرجعك مسألة كرامه ومع الوقت مايبغاك
    ولو على الخلافات اجلسي في البيت واهجريه سوي الي تبيه في بيتك يجون اهلك يصالحون في بيتك

    الحين
    ارى انك تطالبيه من المحكمه بحقوقك وليس الطلاق عشان يرجعك للبيت
    ان رجعك للبيت حاولي تسترجعين الي اخذه شوي شوي ان كان عندك اثباتات
    الحمل انسيه نهائيا لان ارادة الله اختارت لك الخير

    ان كان الطلاق عندك عادي وتخسري فلوسك اطلبي الطلاق بس في المحكمه وعلميهم بالمحكمه انه هاجرك ولا يعطيك حقوقك الزوجيه عشان يصير القانون معك مو ضدك

  4. صاحبة الموضوع
    السلام عليكم
    خواتي جزاكم الله الجنه واشكركم على الدعوات والمرور الكريم وربي لا يوريكم يوم اسود بحياتكم .....
    ما ادري وش اقول لاكن هذا امر الله ومكتوب لي قبل لانولد ....
    وحبيت ارد على روابي ... حبيبتي انا ما طلعت من بيتي بالعكس لاني كنت احبه وبسبب تعليقات اهلي الدائم ما كنت افضل اروح لبيت اهلى كنت اترجاه يتركني في بيتي لاني ارتاح فيه كثير لاكن هو الي ما يبي اكون ببيتي وكان يوصلني بايام الاجازه الي انا اكون مشتاقه تكون لي انا وهو لاكن كان يفضل يكون مع اهله بايام الاجازه اربعاء وخميس وجمعه مع انه دايم معاهم كل يوم لازم يمر عليهم وانا ما احب امنعه من اهله ....
    ولا مره رحت لاهلي كهجر بالعكس كان هو الي يوصلني عند اهلي ويتركني وكان يعرف انه ما معي ملابس اللهم بس شنطه اليد بس والي يقهر انه قبل شهر ارسل رساله وقال لي اخذي اغراضك من الشقه لاني ابي اسلمها انقهرت منه وارسلت له باني راح اخذ اغراضي بكره وراح اخذ الاثاث الي اشتريته بعد بكره هذا الكلام كان قبل شهر وبما اني كنت مريضه بهذاك اليوم كتبت له اني تعبانه وما مارح اجي ... وقلت لابوي وتفاهم معاه ولا رد ....
    هو باعتقاده لما يقول لي هالكلام اني راح ارجع وبعد فتره ادفع فاتوره الشقه لانه سواها قبل واجبرني ادفع ربع المبلغ وقلت يابنت الحلال مشي مشي .... نصيحه من مجربه غلط المراه تمشي وتسلك لزوجها غلط غلط من الاول كوني شديده علشان الرجال ما يلعب عليك ولا يكون موقفك محرج عند الناس القريبين لك وربي انحرجت من اهلي من كثر ما اقولهم بالي سويته له وتخيلوا الكلام الجارح الي يطلع منهم ...... يارب ياكريم تحسب كل الي سويته اجر يارب مع انه رجل ما يستاهل كلش ......

تابعي تجارب أخرى من هذا القسم.