الكيك الانجليزي بالزبيب

تسلم يدك :26:

تسلم إيديك عيوني
بس ممكن تقولي لي ما وزن الزبدة بالضبط
مع خالص الشكر يا غالية
اختك في الله

up

مرحبا واعتذر لو تاخرت
يا هلا اختي توله لو نزلت من النص يعني ما خفقتيها مع بعض زين احسن شي لج لا تضيفين الزبيب للطحين خليه على جنب شيلي ملعقة اكل من الطحين و قلبيه بالزبيب وخليه على جنب بعد خفق السكر والبيض والزبده اضيفي الطحين وخلطيه معاهم بالخفاقه لحد ما يصير متجانس عدل وقفي الخفق واضيفي الزبيب المغبر بالطحين وخلطيها بكم تقليبه بخفه وبس

الزبده اصلا كانت كوب يا اختي وانا نزلتها ربع عشان دسمه علما اني لما اسويها بكوب زبده تطلع ذايبه من الزبده وترفه اكثر
بس انا خففتها افضل عشان جذيه نصحت لو حد شافها ثقيله وماسكه يزيد لها بس من ملعقه الى ملعقتين حليب سايل

والليمون يعطر الكيكه ولو مو حابته لا تحطينه ممكن تحطين بس الفانيلا

القالب هو قالب الكيك الانجليزي المستطيل طوله 30 سم تقريبا وعرضه 8سم
وصورته واضحه وايضا حجم الكيك وارتفاعه واي سؤال عيوني وان شاء الله تضبط معاك


الزبده بالضبط 150جم
والله الموفق

مشكوره ياقلبي

ولما اسويها راح ارد لك