القصر عليكم ولا على الرجل؟ والطقاقات والخرابيط ذي ؟
السلام عليكم
وش اخباركم بنات وش علومكم
انا من تصفحي بالمنتدى لقيت ان بنات السعودية ماشاء الله يختلفون عن بعض في عادات الزواج
وماشاء الله تبارك الله احس ان بعض العرايس في مناطق معينة تدخل بخلاقينها يعني ماتكلف ابد
بقولكم عن عاداتنا وعطوني رايكم
علماً باننا قبايل حضر وليس بدو
ومن قلب نجد
اولاً مهورنا بين الاربعين والستين غالباً
والمعرس يجيب شبكة للبنت تتكون من طقم وساعة ودبلة
وبعضهم يضيفون طقم للام وساعة للام
وبس عقبها يحط رجله الرجال مانشوف وجهه الا يوم العرس
يعني الزواج على البنت من الى
والطقاقات والضيافة وكللل ابو شيء
احياناً فيه شباب يساهمون بالزواج بالنص او هو ياخذ القصر كله
بس هذا تكرم منه مب واجب عليه
لكن الواجب في عاداتنا
ان البنت تسكن لحالها
وانه يسفرها غالباً برى المملكة
وانها تحتفظ بوظيفتها او دراستها
صديقتي بدوية ماشاء الله مهورهم عالية
والقصر على الرجال
عاد انا قلتله ياحظكم وش هالدلع
قالت الا ياحظكم انتم
تقول حنا صح مهورنا كثيرة بس نصها موزعة لامي وابوي واخواني
وغير كذا غالباً البنت تسكن مع اهل الرجل
والعرس صح على الرجال بس مايكون للعروس كلمة باختيار القصر يعني زيي زي الضيفة
وغير كذا الرجال تجيه عانيات يوم العرس غالباً تكون مبالغ عينية, وهالعانيات مهب بلوشي يعني بعاداتهم لازم يردها لهم في عروسهم صحيح مايلزمونه بهالشيء لكن عيب وشق جيب لو طنش ومادفع العانيات في مناسباتهم
وبالنسبة للسفر تقول نادر اللي تسافر للخارج وغالباً جوى السعودية اسبوع ويخب
وقالتلي اشياء كثيرة بس هذي الغالب
برضو عندي صديقة حجازية
عاداتهم القصر على الرجال وكل ابوشيء
لكن الملكة على البنت وهي مكلفة عندهم وزي الزواج
وغير كذا مهورهم مرررررررة شوي تتراوح بين 15 وال 35
بس غالباً البنت تسكن بيت لحالها
وعندهم نظام الشبكة زي حضر نجد
انتم وش رايكم ؟
مين المنطقة اللي تحسون العروس ماشاء الله مدلعة ومترفة ماغير تدخل بهدومها والمهر تتجهز فيه لعريسها وبس
ومن اللي عاداتهم زي عاداتنا
بصراحة يوم اشوف عوايد البعض اتحسر على بناتنا مع انهم من اجمل بنات مناطق المملكة ــــــ<< بليز لاحد يصفقني على هالكلمة ترى امزح :09: