السلام عليكم ورحمة الله وبركاته.. كل عااام وعالم حواء وأخواتي عضوات عالم حواء بخييير :39: ..
اللهم لك الحمد حتى ترضى ولك الحمد إذا رضيت ولك الحمد بعد الرضا.. اللهم لك الحمد لجلال وجهك وعظيم سلطانك بأن أصطفيتني أنا وأمي وأخوي بأن نكون من حجاج بيتك الحرام لهذا العام.. والله إنها من أجمل الأيام التي عشتها في حياتي أيام ماراح أنساها حتى الموت.. يااااارب تعيدها لي وتكتبها لكل غالي وغالية ولبنات حوااااء جميعهم أعواما عديدة..
راح ابدأ وأقول الحمد لله كنت في كل سجده أدعي بـ (حسبنا الله سيؤتينا الله من فضله إنا إليه لراغبون) لأني الفترة اللي قبل الحج مريت بظرف كان ممكن يتطلب مني دفع مبلغ مالي كبير ومع حساب الحملات وزي ماأنتوا عارفين الحملات أسعارها شوي مرتفعه وأنا أبي الحج لي ولأمي وأخوي يعني يبي لنا مبلغ كبير والحمد لله من حرصت على هالدعاء الظرف اللي مريت به أنتهى بسلام ولم يطلب مني ريال واحد لك الحمد يا ربي.. ومبلغ الحج تيسر بكل سهوله وماأحتجت أتسلف من أحد لك الحمد ياحي ياقيوم.. بصراحه تأخرنا عن الحجز من فتحت الحجوزات أسبوع واحد بس ولقينا معظم الحملات اللي أعرفها قفلت وراح أخوي بالصدفه قالوا له عن هالحمله إنها باقي مفتوحه وفعلا لقينا عندهم وكنت متخوفه كثيييير لأني قرأت عنها في قوقل لقيت من يذمها بقوووووووووه فخفت مرررره بس وكلت أمرنا لله ولكن والله ثم والله إن المبلغ اللي دفعناه قليل بحقهم وتعبهم وشيلهم لنا على كفوف الراحة.. كانت حملة من أروع وأفضل الحملات رغم إنا فئة (د) بس الله شاهد إنا ماحسينا ولا شفنا أي فرق إلا ناس تشيلنا على كفوف الراحة..
خدمة 24 ساعة من المشروبات الساخنة والباردة والبوفيهات من كل ماتشتهيه النفس والموقع الأفضل من راااااااااااائع وبتلاحظوه في الصور كيف روووووعه والداعيات اللي ماسمحوا لنا إنا نضيع وقتنا في غير فائدة (الله يجزاهم عنا خير) والعاملات والمشرفات اللي ما يأكلوا حتى يتطمنوا إن الكل أكل.. برامج ومسابقات ودروس ومحاضرات أجرهم على الله وحده فوالله ماحرمتهم من دعواتي الصادقة من إدارة وإشراف وعاملات فمن لايشكر الناس لايشكر الله.. في الباصات وجبات الأكل والمويه تجينا لحدنا.. الكتيبات بأنواعها تتوزع بإستمرار.. في كل مكان في المخيمات حاطين رقم أحد المشايخ الكبار وإدارة الحملة متعامله معاه لإستقبال أسئلة حجاج الحملة.. إنترنت مفتوح.. رسائل مجانا على جوالاتنا نفس خدمة حج للرسائل مرررره حلووووه.. والله خايفه أنسى شي وأحس إني قصرت بحقهم..
قبل كل شي أعذروني بصراحة ماقدرت أصور كل شي أستحي أطلع الجوال وأصور مو حلوه قدام الناس فالصور الموجودة هي اللي قدرت عليها وحتى بعضها قصيتها من مقاطع فيديو كنت مصورتها..
طبعا الوالده فديتها رفضت نمشي بسيارتنا الخاصه تخاف من السفر بالبر عشان السرعه وزحمة الطريق بالحجاج ففضلت إنا نمشي مع باصات الحملة..
توكلنا على الله من أبها بعد صلاة الفجر :time: من يوم الأربعاء 6\12\1432 هـ..
وزعوا علينا بطاقة التعريف صورتها من قدام ومن ورى..
وقبل نوصل الميقات كانت الحملة مستأجرة إستراحة أفراح عشان نرتاح ونتغدى ونحرم منها وكمان الداعيات ألقوا محاضرة عن أنواع النسك وشرحها المفصل.. جلسنا في الإستراحة من 1 ونص الظهر لين 5 العصر الله يجزاهم خير بجد ماقصروا أرتحنا كثيييير..
وصلنا مكة طفنا وسعينا وهذي صورة بعد ماخلصت الطواف طبعا كنت في الدور الثاني..
وهذي الساعة وإحنا طالعين أخذت لها صورة..
