شاركي في النقاش

سجلي الدخول لإضافة تعليق.

التعليقات

9
  1. @aabyralhgaz

    شوفي حبيبتي الدخن حبوب صغيرة ممكن تاخذينها وتنظفيها وتغسليها ولمن تنشف تحمس على النار شوي وممكن تضعين معها فلفل اسود وتطحنيها أو تا خذيها جاهزه مطحونه والدخن احنا مانستغنى عنه على طول نستخدمه في رمضان على الفطور مع التمر وفي النفاس وطريقته يخلط مع السمن حتى يصبح مثل الطحينه ونغمس فيه التمر
    وفيه طريقه ثانيه للدخن وهي مفيدة جدا جدا للنفاس وهي :
    كوب عسل اصلي
    كوب سمن بلدي ( سمن غنم )
    دخن الكميه غير محدده
    ملعقتين لكل من ( قرفه مطحونه -رشاد - هيل مطحون ناعم جدا ولاتكثري منه لانه يعطي طعم مراره اذا كان كثير )
    الطريقة :
    نضع السمن مع العسل على نار هادئه جدا ونحرك لمدة عشر دقائق تقريبا
    ثم نضع الدخن شوي شوي مع التحريك المستمر حتى يصبح مثل العصيده الطريه ثم نبعده عن النار
    ونضع عليه البهارات ويترك حتى يبرد وتضعينه في علبه بلا ستك وتاكلين منه كل يوم مقدار ملعقتين
    ولايوضع في الثلاجه ابدا ولكن في غرفه مكيفه ولاتخا فين ما راح يخرب
    ممكن تاكلين منه طول فترة الاربعين
    جربيه ماراح تندمين وطعمه مره حلو
    ودعواتك ليه بان ربي يسهل عليه الولادة ويرزق كل محرومة
  2. @maaaaltsnym

    الحنيني من الأكلات النجدية
    ومثل ما قالت المرهفه زين فطور للنفاس
    وفي طريقة للحنيني وهذي اللي دايم أسويها:
    تجيبين خبز بر ويفضل يكون من النوع اللي له لب
    أجيبه من مخبز
    و تكونين محمية موية حارة بقدر"إناء وسيع"
    و غطسي خبز البر على حبة حبة وشوي وشيليه لا تخلينه يذوي الفايدة انه يلين الخبز بس
    و بفرامة اللحم افرمية
    و بعدين جيبي كمية من التمر يا يكون معبوط أو تفصفصين تمر من العبس
    وافرميه بالفرامه
    همين خوذي كمية من الخبز المفروم مع التمر تقريبا نفس الكمية أو على حسب حلاة التمر عندك
    و ارجعي افرميهن مع بعض عشان ينخلطون
    وبس
    و بقلاية ذوبي زبدة وحطي الكمية اللي تبينها من الحنيني وقلبيه لين يحتمي
    و حطيه بصحن وذري عليه فلفل أسود وزبدة
    أدري تقولين طويلة الطريقة
    بس أنا أشوفها أضبط طريقة ينخلط الخبز مع التمر
    أحسن من أني أقعد أفرك بالملعقة لين ينخلطون ببعض
  3. صاحبة الموضوع
    بيض الله وجهه كل من ردت
    والله يجزاها خير
    وعسى الله يحقق لكل وحدة اللي تبغاة..


    وننتظر تجاربكم ايضاااا

تابعي تجارب أخرى من هذا القسم.