امي تتسمع لي بالمكالمه مع خطيبي؟؟ وش اسوي(استوفى حقه من الردود)

لازم تصارحينها..

و اذا أمك الحنونة ما تقدرين تقولين لها اللي بقلبك و تعبرين عن رأيك

كيف بتسوين مع زوجك المستقبلي؟؟؟ الامر راح يكون أصعب من الحالة اللي انتي فيها الآن

الخطوات هي كالآتي..

1- تروحين لأمك و تقولين لها ماما أنتي تثقين فيني؟ انا تربيتك و أكيد ما راح أخذلك؟ و أكيد رأيي بيكون من رأيك

2- المكالمة الجاية اذا جات أمك تتسمع .. قولي لزوجك .. حبيبي ماما معنا على المكالمة و تبغى تسلم عليك .. و خليها تسمع "الصمت" لأن زوجك أو خطيبك ما راح يتكلم وقتها.

3- اذا أمك سوت حركات عناد .. اوعديها انك راح تقولي لها الأشياء المهمة بالمكالمة .. و بالتدريج راح تخف


بما أنك صبرتي 9 شهور و هذا أكبر غلط .. راح تضطري تصبري كمان عشان يتصلح الوضع

الله يعينك .. لأنك اذا استمريتي كذا .. راح تتسلط كثير على حياتك و ممكن تؤذي زواجك و ان كان بطيب نية ..
و أهم شيئ راعي الله فيها و بري فيها .. فهي مهما كان أمك

بس انتبهي لهذا الموضوع و لازم تغيرينه

مسسسسسسسسستحيل مااقدر لانه يطول معي بالمكالمه وبعدين هو يدق ع الساعه 12 مافيه اجد من صديقاتي يدق بعد 12 هههههه وتدرين وش الي يضحك بعد احيانا اذا كنا جالسين تناظر فيني تقول يالله اقولها وين تقول خلينا ندق عليه قلت ليييش قالت طفشاانه خلينا نستانس..
احسسسسه صار لعبه مو رجال

الله يكون بعونك حبيبتي
سؤال انتي عندك تلفون نقال خاص فيكي
اذا كان عندك حاولي انك تخلية صامت اوتغلقينه
واذا دق عليك علي طول أنخشي في مكان تكون امك مؤ عندك وكلمية
واذا عندك أخت او خاله او اي احد من أقاربك قريب لك حاولي انك تكلميه عن تصرفات امك علشان يفهمها
ان اللي تسويه غلط
واذا عندك جرأة صارحي امك وفهميها ان اللي تسوي غلط بغلط
وهدديها انك راح تطلبي الطلاق اذا استمرت علي فعلتها ( طبعا انتي موصج بس تهديد )
الله يعينك حبيبتي
والله تأثرت بمشكلتك ولا تنسين شنو يصير مايصير خبرينا

اقسسسم بالله انكم كفوو وقفتوا معي
بس الي لاحظته انه ولا وحده قالت عاادي يعني ان الوضع الي انا فيه اللحين ماحد قد سواه يعني ولا وحده من الامهات سوت هالشئ مع بنتها..
الله يعيين بس وربي حااولت بكل الطرق وبعدين صعبه اقول امي تبي تكلمك وش المناسبه وبعدين امي بتصفقني تقووول خير ان شاء الله