اليوم احترق بيت الشعر حق اهلي

السلام عليكم
كيفكم بنات



طول هالاسبوع مخترعه ومرعوبه من الحوادث اللي صارت في مناطق المملكه من حرايق ومن حوادث:44:

واليوم انفجعت بخبر حريقة بيت الشعر عند اهلي
كنت طالعه اليوم لملاهي الروضه عازمه البنات اللي حجوا معي بالحمله وعلشان عيالي بعد

انفجعت بخبر الحريقه وربي ماعاد ادري وين اروح قعدت ادور زي الهبله في المنتزه وضيعت ولدي :icon33:
وصابتني حاله هستيريه:angry:

مروعتني الاخبار اللي اسمعها وتخيلت انه لو احد من اهلي تضرر وش بيكون حالي
بس الحمدلله على سلامتهم

يقول ابوي الله يعافيه
ولعت النار في الوجار وطارت شراره على الارض وضربتها وطفت ويوم انتبهت الا فيه شراره ولعت بالمسنده اللي جنب الوجار
يقول طلعتها بالحوش وطفيتها وطفت ودخلت اتوضى لصلاة المغرب وطلعت الا البيت مولع
يقول ماطرأ علي الا الكهرباء
قمت طفيت الطبلون علشان الكهرب لايلتمس
وذكرت المويه وسحبت الللي وفتحت موية الخزان وماصبت وذكرت اني مطفي الكهرباء مايشتغل الدينمو

وحاولت اطفي قامت النار تلاسن واحرقت حواجبي وبعض رموشي

ودقق على اخوي يبي يستفزع فيه ماعرف وش يقول ماغير علق على كلمة المطافيء المطافيء

واخوي اخترع مايدري وش السالفه والحمدلله انتبهوا الجيران وبلغوا المطافيء
واخوي الثاني قام يعبي من المويه ويصب بس يقول انكتمت من الدخان

اهم شي جت المطافيئ والحريق قد تمكن من المشب وراح كل شي بس اهم شي سلامة الغالي ابوي
واهلي ياربي احفظهم لي من كل شر:icon33:

اللي مفجعني على ابوي قد احترقت سيارته قبل 3 شهور بدون سبب شغل السياره ومشى وبعد 5 كيلو ولعت النار فيها بدون سبب احرقت ظهر كفه بس الحمدلله على سلامته ياربي تحفظه يااااارب

انتبهو من الحرايق يابنات خصوصآ احنا موسم شتاء وتكثر فيه مشاكل الحريق

الله يحفظنا وياكم جميعآ


شوفوا شكل المشب في المرفقات