شاركي في النقاش

سجلي الدخول لإضافة تعليق.

التعليقات

2,008
  1. @nhoool_2

    ام امنه

    تدري بيئتنا تختلف عن بيئة الشام والغرب بصفة عامه حتى في غذائنا يختلف اختلف كلي وطبيعه غذائنا بعد تختلف .. انا استمديت رجيمي من بيئتنا العمانيه مع بعض الاضافات في الاكل وكذاك اني بشرة ويهي فيها حبوب يعني جمعت 2 في 1 >>> صار شامبو خخخخ.. وبديت كل شيء خطوة خطوة عشان ما ارجع لوزني الزائد اهم الشيء التوازن والتنوع.. بالنسبة للدهون اغلب اكلتنا فيها دهون وحتى فطورنا دهون فيه انا صرت ابدل صرت اطبخ بدون دهن وزيت وسمن البلدي مثل الخبز المحلاج صرت اطبخه بدون زيت واستعمل الدقيق لجميع الاستعمالاته لانه فيه نخاله القمح وهذي مفيدة للجسم ..

    الحلويات .. امووووووووت في الحلويات انا ..كلي بس بكميه خفيفة ولا تحرمي نفسك منها لانك ان قطعتت مرة وحدة راح ترجعي تأكليها بكمية كبيرة ويخترب الريجيم.. والحلويات انواع 1. سكري مثل الكريم كراميل 2. سكري مع دهن مثل البقلاوة 3. شكولاته مثل الجلاكسي >> بقولك وش اتصرف في حاله اكلت وحده منهم اذا اكلت سكري راح اشرب كوب ماي عشان يخف السكر ..واذا سكري ودهن اشرب نص كوب حليب بعدها ب 3 دقائق اتبعه كوب ماي .. واذا شكولاته كوب ماي >> اسويه هذا عشان ما يطلع حبوب في ويهي يمكن انت تتقبليه ويمكن لا يعني كل واحد حر وكل واحد يعرف طبيعه جسمه كيف هي؟؟..

    قللي من المقالي والنشويات ولا تأكليها كل يوم اعملي جدول خاص بيك وحددي انت وش يناسبك انت ادرى بطبيعتك وش اتحبي .. اتصدقي احيانا اسبوع كامل ولا اكل مقالي ولا نشويات والحمدلله وهذا من فضل ربي ..

    البروتين فيه حيواني وفيه نباتي نوعي فيهااااا وياريت اذا اكلتي لحوم كليها مشويه ..

    اذا انت من النوع اللي يحب الحليب اشربي بالحليب اللي اتعودتي عليه .. اذا كامل الدسم اشربي اقل من كوب يعني كل 3 ايام قلي من الحلبيب لحد ما يوصل الربع الكوب بعدها غير الى الحليب قليل الدسم .. اقول مررررررة ثاني لا تقطعوا مرررة وحده على شيء الجسم اتعود عليه بعدها ترجعوا الى وزنكم ويمكن اتزيدوا كم كيلوا بعد .. الله يعينكم ويعينا

    الازر وما ادراك ما الارز .. وجبه رئيسة عندنا .. خففي منها اذا صحن تأكليه خففي منه اشوي اشوي واستبدلي وجبه الازر بخبز الاسمر مع شيء ثاني >> فطرت الصبح بيه لذيذ والله ..
    بقولك على صديقة عندي مشكلتها هي السمنه اخذت ريجيم بس عملت واخذت الاشياء اللي ناسبتها >> ريجيم خاص بيها .. بس ظلت مشكلتها وهي الرز تقطعه مرة وحده وترجع له مرة وبشكل كبير >> مافيه توازن وهذا الاهم .. ما قادرة تتخيل حياتهااا بدونه الله يساعدها ..ولا تتغلب على حبها للرز ..

    يالله انا من كثر ما افكر واكتب بقولك على الاضافات واللي دايم دوام اكلها وهي التبوله اكله صحيه 100% لو تأكليها كل يوم احسن .. والعصائر الفرش الفرش فيك اتحضريها في البيت وحطي في الخلاط اللي تبي وحتى فيك اتحضري عصائر بالخضر اقولك كلمه حق اذا حضرتي عصير خضر بتشوفي ويهك منور مرة ما شاء الله .. والسلطات الخضر وسلطات الفواكة حلوة بعد بس لا تخلطين الفواكة بالقشطة جربي تأخذينها بدون قشطة لذيذة فيك تعصرين برتقاله فيها >> خليها كلها فرش في فرش ..

    ولا تنسين التنفس العميق ولو 10 دقائق في اليوم له فوائد ..والمشي ولو 15 دقيقة في اليوم احسن بعد

    انا تعبت وانااا اكتب اذا تذكرت شيء برجع اقولك بس اهم شيء في الريجيم انك انت اتحطيه وش اللي يناسبك وطبيعه الشخص تختلف من فرد لاخر ..

    واتمنى لكم اجاازة سعيدة وجمعه مباركة ان شاء الله >> هذي لبكرة والله يحفظكم ويحفظ عيالكم ... شكلي بشرد الحين من الدوام خخخ

    مع السلامة
  2. @nhoool_2

    ابي اقول شيء قبل ما انسى .. هلا وغلا بكل من دخل في ملفنا وحياكم الله اتمنى تتواصلوا معنا ..

تابعي تجارب أخرى من هذا القسم.