مشكلة اختي وتفكير ابوي

السلام عليكم ورحمة الله وبركاته

حبايبي اختي اللي اصغر مني تقريبا عمرها 25 سنه حلوه مررره وملتزمه واخلاق وحبوبه ومرحه بس:44:
مشكلتها وزنها تقريبا وصل 90
احنا كلنا شايلين همها نصحناها قالت لازم لي سير كهربائي جبنا لها قالت لا ماينفع لازم اكشف عند الدكتور كشفت وطلعت سليمه قالت اجل ما ابغى سير ابغى دراجه جبنا لها وما فيه فايده ماعندها عزيمه بالعكس كل فتره تزيد اكثر واكثر وهي عندها عادي تقول نفسي بالاكل اشتهيه اش اسوي

المهم ابوي عنده فكرة انها ماراح تتزوج وانها خلاص صارت كبيره بالعمر وهي قبل اسبوع جاها تثبيت ما شاء الله
كانت متعاقده

المشكله الاسبوع هذا دقت امي تقول اختك جا لها عريس فرحت قلت مين
قالت سواقك قبل سنتين
سواقي هذا عمره فوق ال50 عنده حرمتين عنده ولد مدرس ماعنده بيت ملك بس قاعد يدور على المدرسات اخر حرمه عنده مدرسه ابوي يقول ما فيها شي ما نبغى نقطع رزقها البنت كبيره ومين بياخذها مع ان ابوي متعلم واصغر من هذا الرجال لكن انصدمت كله خايف عليها بسبب وزنها(مع ان ابوي كان رافض ان احنا نطلع عن اقاربنا بس هذا سبب مقنع عشان يتخلى عن شرطه بزواج الاقارب خايف انه ماعاد يجيها عريس غيره)




والله حزنت عليها ما ادري حتى اخوي اصغر مني يوم قلت له مره زعل
لكن ما ادري هي اش بها
قولوا لي هل من جد تعتبر كبيره في عمرها
هل فيه طريقه اقدر اقنعها فيها وفيه شي يسد الشهيه قبل لا تسوي ريجيم
الله يوفقكم ردو علي برد يبرد القلب