الاندومي وطفلي

السلام عليكم
صباح الخير
صباح التفاؤل والاجواء الحلوه والممطره
عاد احنا من امس الجو حلو وغيم ومطره حلوه
يعني مو كثير الحمدلله على فكره هذا الجو بالخررررج
امووووت اذا صارت الاجواء حلوه برغم انه يتملكني حزن
وافكر في ابوي واقول ليته معنا ويشوف هذا الاشياء الجميله
الله يرحمه ويغفر له
مو كني طلعت من الموضوع اعذروني بس شي بقلبي ابي اقوله
ههههههههههه المهم

ولدي عمره سنتين وعشره شهور
يموووووت بالاندومي ودايم يطلبه احرمه يومين ثلاث بس قلبي
مايطاوعني واعطيه في ناس قالو لي انه يسبب فقر دم ونحافه
وامراض وانه مو حلو
ابي كل وحده جربته وصار مع اولادها او احد اقاربه شي بسبب الاندومي
لاني اخاف يصير لولدي شي بسبته
تكفووون ردو علي

الله يرزقك كل من ترد وترفع موضوعي الجنه

وهذا هديه لاول وحده ترد

30 تعليق 4,030 مشاهدة

شاركي في النقاش

سجلي الدخول لإضافة تعليق.

التعليقات

29
  1. @knary_38

    صراحة حبيبتي انا مااعطيه عيالي يمكن بالسنة مرة او مرتين انا ماقد شريته بس احيانا ببيت اهلي ياكلونه بس سمعت بمخاطرة ويكفي اصلا كيفية صنعه
    بعدين حرااام احس ولدك توه صغير اخاف يضره دوري بديل له الله يخليه لك ان شاء الله وتشوفيه دكتور ااااااااادأ الدنيا
  2. @byn_ahbaby

    لا عادي اذا مو دايم

    مره بالاسبوع مو مشكله

    لانهم يحبونه مرررررررره

    لكن لا تحطين الزيوت حقته

    انا احط بس الملح وزيت الزيتون من عندي
  3. طفل بلعمر هذا لازم ياكل اكل مفيد اكثر يعني دجاج ولحم فيه بروتين رز ومكرونه ونشويات وياكل خضروات لان فيها الياف
    سمك فيه اومقا3
    فواكه مليانه فيتمينات
    اما اندومي والله مايفيده
  4. توكلي ع الله ومايجيه الا العافيه مره مرتين بالاسبوع ..
    بعدين على فكره انا سبق ورحت اندنوسيا ودخلت مصنع الاندومي وشفت كيف صناعته لا وهناك وجباتهم كلها اندومي وعيالهم ياكلونه بكثره ولافيهم الا العافيه خلي الوسواس عنك بعيد وتوكلي ع الله

تابعي تجارب أخرى من هذا القسم.