ياعمري انا مثلك والله جربت القيصري وبكر ولحالي بغربه وكنت طالبه وزوجي طالب
كنت ابكي بكاء يالطيف وحده وكانت ايام ثلج ولااحد يقول كيفك ولا احد يساعدني
جارتي تطل الصبح الصبح علي يمكن بس كذا يوم ولا عاد قدرت وتحملت والله لدرجة اني لمن رجعت السعوديه
كل مااحد يسألني ايش سويتي بنفاسك اجي احكيهم ابكي او لمجرد مااتذكر ابكي لكن الحمدلله ضعفت اولها لكن بعدين تقويت وكان درج
احمدي ربك والله انتي بنعمه والحين بولد الثاني وبغربه وياعالم وش بيصير حالي لكن وش اسوي ظروف الدنيا اقوى مني
نصحيتي لك
اجلسي ببيتك وانتبهي لنفسك وللبيبي الجاي وروقي وخلي شغالتك تساعدك بالقومه وانتي تقولين طيبه تحب بنتك يعني الحمدلله كويسه
واولادك اشتري لهم العاب ولا تطلعينها الين تولدين او زي ماقالو الخوات دخليهم تحفيظ او نادي
وخلي امك ترسلك اكل او خواتك الباقين
وزوجك خليه يسرح ويمرح لاتحطينه ببالك انتي اعظم منه الجنه تحت اقدامك
واولادك حاولي تقولين لهم يساعدونك وسلي نفسك بنفسك برامج دينيه استماع للقران او نتر نت
واعتذري من الحريم انا اعتذرت وبششششششششششده ورفضت رفض تام ان اي احد يزورني
ولازاروني الا لمن كمل ولدي اربع شهووور كل مادقو قلت اسفه والله تعبانه يقولون مابنطول اقول اسفه صحتي ماتسمح خلوها لوقتها
لان والله الناس ماعاد تزور علشان انتي نفاس يزورون ضحك وسوالف وجمعات على راسك
ولاتفكرين بكلام صديقتك ابداااااااااااا تراها غلطانه لاتفرطين بعيالك ولاتتركين خدامتك لحالها
واصبري واحتسبي والله قادر يرده لك ردا جميلا ويخليه يحس بقيمتك وبتعبك ولاتتوقيعن انه اول واحد ولا اخر واحد
كلهم كذا الرجال نادر مايحسون الله خلقهم كذا
وربي يعوضك باولادك ان شاء الله يشيلونك شيل لاكبرتي
باقي لي شهرين .. بس ذبحني التفكير بالنفاس
متابعة النقاش، صفحة 5