أرنب نط.........جاب لي خط !!!!!!!!!!!!!

مشكوره ام الخمائل
شكلي البنت الوحيده معاكم
وعشان كذا ابي اقول شي صغير نبهتني له عاشقة الصداقه
المراقبه الزايده عن حدها
احيانا تجبر البنت انها تسوي الغلط اثبات لاهلها انها تقدر تسوي الشي وهم يراقبونها وبدون معرفتهم

عاشقة الصداقه
بالعكس مو شرط يكون فيه اسرار تخبيها الام عن بنتها
ونصيحه لكل ام من وجهة نظري انا بصفتي بنت صغيره مابعد تزوجت
انها تكون متفاهمه مع بنتها لابعد الحدود وممكن توحين لها بشوي من التساهل
عشان تعطين بنتك المجال انها تصارحك في كل
حتى لو شي مايناسبك اضغطي على نفسك
تصارحك بنتك احسن من انها تصارح غيرك من صاحباتها
انتي بعدها حاولي تقومين الغلط اللي عندها
بشوي اقناع ما نفع شوي شده مو كثير
لان كل شي بيفلت منك اذا افرطتي باستخدام الشده

وهذا الكلام اقوله من معاملة امي لي
انا والله اعتبرها صديقتي واكثر
مافي شي اخبيه عنها نهائي
بتقولون تبالغ لاوربي بالعكس كل شي امي تعرف فيه

حتى هي صارت تحسسني اني صديقتها بعد ماكبرت

يعني لماتتكلم معاي كانها تتكلم مع وحده من خواتها الكبار

فيه اشياء كثير تكون محظوره عند بعض البنات وممنوع يتكلمون فيها مع بناتهم
هذا الشي موموجود بيني وبين امي نهائي

ومشكورين فتحتوا لي مجال اتكلم
وافهم بعد منكم اشياء كثير

بصراحه الله يكون في عون الامهات التربيه شي صعب


عندي سؤال للامهات
شلون تقدرون توفقون بين الثقه وبين المراقبه بدون شك

دانة لاتلوميني حنا في زمن يهدم ماتبنية الام ..
وذا ماحست اني حوالها وعيني عليها اكيد بتحس بالامان وبتقل اخطاءها ..
ولازم الفتاة تقدر خوف الام وتاكد ان لن تضااااارها مراقبة امها ..
ودام اوصي بنتي لو حصلك موقف قولية لاتددين وثقي اني دايم بكون
متفهمة وان شاء الله تلقين الحل عندي ..
وانا قدامها كتاب مفتوح تفهم حتى نظراتي وتعبير وجهي ..
بس كل بنت تحب تكتم اسرار صديقتها وتعتبر حق من حقوق الصداقة ..
هذا الباب اخاف منة وحاول دايم اركز عليه وبحث في امور صديقتها من بعيد ..

ام الخمائل ...
موضوعك احلى من العسل

وفعلا كلامك مره روعه
لاحرمنا الله منك
وانا بكون مثلك ببداءها بلغه عربيه وبقلب بالعاميه بس خلي الاقي شئ يعيق طرقي
واقلبها حيث شراعي <<<ايه من اولها اخطاء من السرعه
قصدي شعااري لا للعقبات <<تراي جلست ساعه ادوره بعد الخطاء الاول ولا تشرهين على كلامي لاني من بنات الترفيهي
وان طلعوا لازم تحووس وترجع لاصلها

اولا بقول كلام طالع من بنت اجتماعيه جدا
عمرها 19 سنه
تدرس بالمرحله الثانيه من الكليه

88
تبي رجل
تراي امزح
المهم بعقل انا هنا مو بالترفيهي

بصراحه التقدم شئ ززين بالمره طلع شئ اسمه جوال طلع شئ اسمه نت

لكن مع كل تقدم يطلع شئ اشد والعن من الفسق والمعااصي
الناس يخترعونه للخير واحنا نستخدمه للشر

اولا الجوال
انا ما كان معاي جوال الا من كم سنه لما كنت بالثانوي واختي بالمتوسط للحين بدون جوال
معاي جهاز برج العرب بدون كميرا

والله العظيم لما اطلعه البنات اللي حولي
ويييييييييين تو الناس ما تطورتي وشريتي كميرا

يا بنت الحلال انا غير الكميرا ما ابي وانا وانا

وما غير تطنز

حتى انهم بيوم من الايام بغوا يتقاطون علشاني

انا ما همني الفلوس علشان اشري جوال هذا فواتيري بالدوافير وما همتني قيمتها

انا خايفه من الشيطان
صوره ومكالمه وارسال ومن بعدها طلعه وغيره

الشيطان شاطر يلعب بعقل الوحده لين يقول امين

المهم بصراحه ما هموني من ناحيه الجوال وللحين اذا طلعت الجوال اللي يكح واللي يعاطس لكن بسبيل راحتي

بكيفهم لو يجيهم ربو

وانا ما اقول اني ما راح اشري كميرا لا بس انا اقول بصبر لين اعقل شوي

يعني اكبر <<<روحي بس اكثر من كذا

وبعد هالشئ جانا النت
والله يالنت كثيرر مشاكله يا مسنجر

والله ذاك اليوم مضيفني ايميل واحد اسمه محمد وملقب روحه ابو سمره وكنسلته الظهر افتحه العصر يجيني باسم ثاني

واحذفه

يعني الا غصب اضيفك

وغير كذا المنتديات المختلطه
انا وجده من البنات سووت منتدى وقالت سجلي فيه
ومن دخلت سجلت لقيته مختلط
قلت فلانه بما انه لك ليش ما تحطينه نسائي رفضت

ولا بعد قالت كلام اشد من كذا

ايش قالت لا هم حلاة المنتدى

من بعد الكلمه هاذي وانا افكر فيها

طيب انا ايش يضمن لي اذا دخلت المنتدى ما يكون الشيطان عند راسي ويحوسني لين اسوي زي غيري
كل بنت تدخل وببالها انها عفيفه

وتطلع وكله من الكلام المعسول والشيطان شاطر

اخرتها فلانه الله يعطيك العافيه عندك مشاركاتي ومواضيعي كنسليها ولا راح ادخل مرره ثانيه
ليه ماليش قلت اسفه بدون اي سؤال

قالت اعطيك الاشراف ومدري قلت اسفه مقدر احد زعلك قالك شئ اشيله واحذف مشاركاته قلت لا بس انا مو مرتاحه وخلاص

من بعد كم يوم دخلت وحده من بنات المنتدى معي
قالت مدوو شفتي منتدى فلانه

ايه وش فيه قالت
انا صرت مشرفه وانا وانا
قلت فلانه يا حبيلك باي صف قالت ب3 متوسط

قلت طيب عارفه انه منتدى مختلط
قالت ايه
قلت واهلك عادي

قالت انا واثقه من نفسي وهو منتدى مافيه اي شئ شين

طيب وبعدين

قلت لا انا كنت مسجله وفكيت وما راح ادخله ثانيه

ونصحتها ومدري اذا هي اقتنعت والا لا

انا بصراحه ما صبرت

وانقهرت بقوة من البنت
قلت حرام عليها تعطي رابط منتداها لبنت صغيره ما تعرف الصح من الغلط

احنا لسى صغار مو عاد بنت اصغر منا

هذا السالفه من 5 ايام
وجد ضايق خلقي على البنت
وصرت ادخل يومي للمنتدى واتقرب منها اكثر واسولف معها

واشوف مشاركاتها ومواضيعها

وصرت اخاف عليها بقووه وما ابي اي شئ يجيها وما كنت بباين لها

اني مراقبتها والا شئ

بس جد انا مضيفتها عندي بالمسنجر مع انها اصغر مني

وفيه بنات كثار لكن عقولهم كبيره


لكن احبها واعتبرها اخت عزيزه وغاليه علي

واتمنى انها تقراء كلامي وتدري ليش منعتها من المشاركه فيه


اختي ام الخمائل كثرت الكلام معك


ويعطيك العافيه

واذا مو كذا الموضوع فعذرا
انا مضايقني وكتبت من سمعت هالشئ

وعسليمه يالغاليه

عبوقة صح لكن وين البقية؟؟؟؟؟؟؟
ننتظرك.......


شموختي:نعم المراقبة الزايدة عن حدها قد تهلك المء ايا كان بنت ولا رجل ولا غيرهم لأنك بكذا تخرب عليه النية وتشككه في إخلاصها.............لاإفراط ولا تفريط..........