استشاره منكم ابي حل منطقي وعقلاني وحكيم

اشكركم جميعا على الردود
المناقشه كل مره نطلع بنفس النتيجه نتحسن شوي ترجع حليمه لعادتها القديمه


بعطيكم مثال لمره من المرات كان عندنا اهل زوجي والاكل مالي السفره مديت يدي على فطيرة سبانخ
واكلت منها شويه شوي يصرخ مين كلها وهو يشوفها في يدي قلت انا قال من قال لك تاكلينها قلت كذا اشتهيتها وكلتها قال انا مخليها لامي ولي :( تصورو
شوي سكت انا ابي الموضوع يوقف كذا مايزيد النقاش قعد ينافخ ويصارخ ويقول انا وش اكل الحين كان السفر ه مافيها نعمه
الحمدلله على كل حال بس
ياحبيباتي انا مااستخرت الطلاق عشان بس ينتقد تصرف بسيط وامشي لكن شخص مخليني اندر استرس اربع وعشرين ساعه اربع وعشرين ساعه تحت ضغغط
اذا زعل انسي الطلعه حتى اولادي لهم اسبوعين محبوسين

في المناقشه الاخيره اتفقنا بدون زعل
بعد اربع ايام بس زعل وحاولت احل الاشكال بالتفاهم برضو بعدها بعشره ايام زعل
ويكبر الموضوع دائما واذا زعل يدخل الاولاد في المشكله اذا ودى الكبير للمدرسه يقول له شايف ماما كيف عنيده تعاندني !!

حسبنا الله سيؤتينا الله من فضله ورسوله انا الى ربنا راغبون

أنا برأيي تاخدو بريك من بعضكن لما يكون في عطلة طويلة أو إذا مافي تنطري للصيف وتروحي انتي وولادك عند أهلك
وبهالفترة كل واحد منكن بيكون عندو تصور لحياتو إذا تم الإنفصال إذا حسيتي إنك مرتاحة ساعتها اطلبي الطلاق
وأنا بعتئد إنك إنتي وزوجك رح تحنوا لبعض وساعتها كل واحد منكن رح يعرف قيمة التاني

ذكرتيني بواحد من محارمي ياهو كان معذب زوجته بهالطريقه

مابكذب اقول مقصر بالبيت وهيك بالعكس كل خير ببيته واللبس ماركات كل شي توب

بس يختي حاطها تحت الضغط 24ساعه ماتدري وش يبي اللي يقوله الحين يتغير بعد شوي

وهي ماشاء الله حكيمه وصابره كنت اقولها لو ذا رجلي كان من زمان تطاقينا

تخيلي حتى الخلفه يتحكم فيها متى تجيب ومتى توقف ومن تكلم ومن تترك

الحين لااله الا الله زي الخاتم باصبعها مايشك خيط بابره الا بشورتها

انتي اذا زوجك يصرف البيت وكريم ومو مقصر بحقوقه تغاضي عن السلبيات

ليل الله ونهاره ادعي ربك يسخره لك وحاولي تعطينه اكبر من حجمه

شكله من النوع اللي انا الصح وغيري لا انتي حاولي تسايرين لين الله يهديه

صدقيني كل الرجال او 90% اذا ما خاب ظني فيهم صفة النقد اللاذع لدرجة الجرح مدري ما يحسون ولا يستعبطون !
لا وازيدك من الشعر بيت زوجي بعد ما ينتقدني ويجرحني لين ابكي يقول ما تتحملين المزح >> مسوي انه مزح شرايك بالله ههههههه

استهدي بالله وخليك ببيتك وبين عيالك لان لو رجعتي لبيت اهلك بيتغير وضعك مو مثل اول وربي بتحسين بفرق كبير
ادعيله بالهداية واتجنبية وكثري الاستغفار وربي يفرج همك ويسخرة لك ويهدية ...