الله يسعد اللي ترد ويحقق اللي ببالها حريم اخواني [تم التعديل]

السلام عليكم ورحمة الله وبركاته
أخباركم

بنات افزعولي بحل حريم أخواني الاربعه جابولي الضغط وفقعوا مرارتي:mad: الله يصلحهن ويهديهن مايزورون أمي الا مرة بالشهر لا وزين بعد وحده فيهم قريبه من أهلي وساكنه بنفس الحي تجي مرة بالاسبوع الله يستر عليها ماتقصر بصراحه تجيب قهوتها وتجي لو من غير اتصال لو تدري انه احنا متجمعين تجي عادي فديتها والله :27: والثانيه ماتجي لو اتصلنا تقول *****الله وتسحب والثالثه بعيده مررره وتعتذر عنده عمل والرابعه بره الديره كلش بس تتصل من فترة لفترة وماتقصر هي بعد لاكن اللي ابي اعرفه هذا عادي يعني الحريم مايزورون اهل زوجها ولاكيف؟؟؟:mad: نفسي نجتمع مع بعض كل اسبوع اسبوعين ياستي مرة عالاقل بس كيف افهمهم ولاأمي تقول عادي اللي بيجي حياه واللي مايبي مع السلاااامه اهم شيء مرتاحين مع ازواجهم
انتوا كيف زوارتكم مع اهل زوجك ؟؟ وحريم اخوانك وزياراتهن لكم..
وربي يستر عليكم ويحفضكم

27 تعليق 2,294 مشاهدة

شاركي في النقاش

سجلي الدخول لإضافة تعليق.

التعليقات

27
  1. @hms_klm_1

    وش فيك يالغاليه الوضع جدا عادي !!! ما قصروا بصراحه خصوصا الي تجي اسبوعيا لان لو كل شوي وهن جايات قلتوا بس مطيحات عندنا ...كلا في بيتها وكافه خيرها شرها وكذا افضل ...بالنسبه لي اروح لهم مره بالاسبوع واحيانا مترتين حسب الضروف رغم اني ساكنه جنبهم بس البيت للحريه مو معقول كل شوي بنط لهم لاني والله استحي واخاف اضايقهم
  2. والله هذا افضل شي
    كل واحد بعيد وفي حالة
    الزيارات تكون بحدود والاحترام بيكون متبادل عكس اللي يدخلون في بعض وطول النهار متسدحه عند اهل زوجها صدقيني الاختلاط يسبب المشاكل والمناقرات وغيرها خليهم كذا احسن لكم ولهم

تابعي تجارب أخرى من هذا القسم.