شاركي في النقاش

سجلي الدخول لإضافة تعليق.

التعليقات

163
  1. @lmyoth

    بما انه عاطل طبيعي ضيقة الصدر وانه مايتحملك لانه مسؤل عنك ويحس بتقصير تجاهك
    انتي بس تتضايقين مايصير لك خلق وماتبين احد يكلمك
    دام زوجك مو بخل ولا عنده ومايعطيك لاتزعلين
    والجنس مو شرط حسب طبيعة الرجل فيه ناس عندها اهم من الاكل وناس بالشهر مره
    يخدعك اللي يقول اللي يحبها زوجها يكثر جنس وطلعات
    كل انسان وشخصيته وتفكيره وشهواته
    نصيحتي لك
    لاتفكرين باللي ينقصك واحمدي ربك على اللي عندك حتى لو شفتيه قليل ولاتحاولين تعصبين زوجك او تتدلعين
    حولي تكون ايجابيه وفرفوشه وابسطي نفسك بنفسك
    مب شرط الطلعات والمطاعم وناسه وسعة صدر وان القعده في البيت هم وكدر
    انتي لاتحصرين نفسك بهالاشياء وتقعدين تندبين حظك
    انا اتكلم لك لاني مريت بنفس حالتك
    تزوجت وهو راتبه كله اقساط وما اقدر اطلب شي لاسفر ولاطلعات ولا شراء
    الان فرجها ربي والحمد لله
    ادعي ربك واستغفري وتوكلي على الله واذا شفتي اخلاقه خايسه روحي عنه
    حاولي تكونين دايما لابسه ومتزينه مب عشانه لا عشان نفسك
    لاتخلين الرجال يحدد لك مقاييس السعاده بالحياة وتكونين حسب مزاجه متى ماانبسط فرحتي
    عيشي حياتك وكلك امل ان بكره احلى وانه بيكون احسن زوج وانتي اسعد انسانه
    بشويه عقل وقناعه ورضا وثقه ان ربك مايضيع احد وان بعد العسر يسرا بتكونين شخص سعيد وراضي عن نفسه

    كبري عقلك شوي وخلي عنك الاشياء السطحيه وركزي ع التجديد وتطوير النفس والجئي لربك كثييييير

    الله يوفقك ويسخر لك زوجك امييييين

تابعي تجارب أخرى من هذا القسم.