ضيفتي الي محتاره كيف اعاملها ارجو المساعده

السلام عليكم ورحمة الله كيفكم خواتي مع الاجواء البارده ما اطول عليكم المهم انا عندي قريبه لزوجي تجي دايم عندي للعلاج هنا وتجلس اسبوع واكثر وانا اتظايق منها اذا جتني مره بسبب مشاكل بيني وبينها وما اتحملها بيتي بس ما اقدر احرجها واتحملها عشان زوجي وصلة الرحم بس والله نفسيتي زفت عشانها قربت تجي ومدري وش التصرف السليم معها وهم ما عندهم احد غيرنا هنا او كيف اعاملها تكفون الي تفيدني بنصيحه او اي شي يخليني اتحملها لين تروح بدون ما احرجها

32 تعليق 3,336 مشاهدة

شاركي في النقاش

سجلي الدخول لإضافة تعليق.

التعليقات

31
  1. @hrfalghla

    لاصارت دايم تجيك يعني هي مو ضيفه ومو غريبه إذا

    ماتحبين وماتبين تقابلينها إشغلي نفسك بأي شي

    بالمطبخ بغرفتك قومي بواجب الضيافه حطيلها القهوه

    والشاهي والغذاء والعشاء بس مو شرط طوووول الوقت

    قاعده ومقابلتها تبين تطلعين إطلعي لأي مكان و لاتطولين

    وكلها كم يوم وترووح الأيام بسرعه تمر تحملي والله يعينك
  2. تحمليها لوجه الله واخلصي النيه بالذات لانها تعبانه
    ومالها احد
    ولاتحرجيها وربي مايضيع لك اجر وتخيلي لو وضعك مكانها
  3. @tmoh_mtgdd

    تحمليها كلها كم يوم وتروح ولا تتاففين عشان ميضيع اجرك وكل ماسويتي لها شي قولي الله يكتب الاجر وماتدرين بكره انتي تاحتاجين مين الله يديم علينا الصحه والعافيه ورددي دائما اللهم حببني في الناس وحبب الناس فيني
    والله يعينك
  4. تحمليها ولا تكثرين كلام خلي بيدك مسبحه وسبحي واستغفري والا انشغلي ببيتك وبزوجك وعيالك بس قومي بضيفاتها بتاكل من اكلكم وتتقهوى معاكم مايحتاج كلافه وترا ياقلبي بلانا من السنتنا اذا مسكناها ارتحنا

تابعي تجارب أخرى من هذا القسم.