دنيانا غير مع قذافي ال..؟؟ لايفوتكم الحلم
متابعة النقاش، صفحة 59
شاركي في النقاش
سجلي الدخول لإضافة تعليق.
التعليقات
1,176بعدك اتعبني راااااائعه بطرحك اول شي اسأل الله ان يرحم شهدائكم ومن استشهد ع يد الطاغيه من بداية حكمه حتى اعدامه وأسال الله ان يشفي الجرحى والمصابين من بداية الثوره وكنت مو انا الا البيت كله اربع وعشرين ساعه ع الجزيره وخاصه برمضان كنا م****هد ولا قنا…
جزاك الله كل الخير ..واحبك الله كما احببتنا
واسعدني جدا جدا جدا كلامك كلك ذوق ربي يحفظك من كل شر
ويزقك من فضله الخير الوفير- الله المستعان
كيف كنتم عايشين الحمدلله الله يعوضكم بحاكم يطبق الشريعة الأسلامية
صراحة لاحظت فيكم الدين والتمسك بالسنة
وطوال السنين كنا نجهل الشعب الليبي
وبعد الأحداث عرفنا حقيقتكم المشرفة - بارك الله فيك
بارك الله فيك
بارك الله فيك
والحمد والشكر افتكيناه منه
كاتبة الموضوع وجميع الاخوات الليبييات وجميع من قرأ تعليقي سابقاَ وماعجبوا..
اتأثرت جداَ بالحلقه الرابعه الجزء الثاني بكيت على الشهداء والامهات..اصعب شعور بالحياه الخوف وعدم الأمان..الحمدلله ايام وراحت وان شاء الله تكون ذكريات لأهل ليبيا بقدر مافيها من الخساير والدموع الا انه فيها اضعاف مضاعفه من الشعور بالكرامه والنصر وانها سبب لحياه كريمه وفخر وعز لأجيال قادمه..
سبق وقلت ماكنت اعرف عن ليبيا امور كثيره كنت اعرف القذافي وكمان عمر المختار لأننا درسنا عنه بمادة التاريخ فقط لاغير..
على العموم ان شاء الله الايام الجايه تخلينا نعرفكم اكثر ويكون تواصل بيننا بكل خير..بس والله تراني كنت ادعي انه ربي يخلصكم من القذافي لأني كنت عارفه انه شخصيه غير سويه وغير مشرف لكم انه يكون حاكمكم..
سبحان الله ربي نصركم بعد 42 سنه عقبال نصر اخواننا السوريين على طاغيتهم ونصر الاسلام والمسلمين بكل مكان..
بس الشي اللي مستغربه منه كيف انسان غير سوي قدر يحكم كل هذي السنين كيف اقنع الناس من البدايه ينقلبو معاه على الملك..؟؟
اما عن كلامي الاول عن القذافي واني ترحمت عليه..ابغى احكيلكم شي عن حياتي من خلالها تفهمو تفكيري اللي ممكن يكون خطأ بس عشان تفهموني..!!!
لو رجعتو لملفي كاتبه فيه قصة مرضي اللي عانيت منه 18 سنه ومازلت اعاني لهذي اللحظه..وهو اني اغسل كلى+التهاب كبد وبائي cنتيجه للغسيل+سبق تشنجت 3 مرات+فقد لجزء كبير من سمعي لتأثر وضعف العصب السمعي نتيجه لأخذ مضادات قويه لشهور بالوريد وكانت هذي المضادات علاج لألتهاب شديد بالبطن ناتج عن الغسيل البريتوني عجز الاطباء عن تشخيصه في البدايه لأني اول حاله تمر عليهم في المستشفى واضطريت اجلس 5 شهور متنومه بجده(انا قلت سابقأً اني من المدينه)شوفت خلالها الموت وموت الموت وكنت اعتقد انها اخر ايامي وصلت لشبه غيبوبه مدة 4 ايام (لما شكيت للدكاتره من عدم رجوع السمع بعد انتهاء مدة العلاج قالو سمعك كان مقابل حياتك)..غير القساطر اللي كانت تتركب ليا وانا صاحيه بصدري وفخذي عشان الغسيل(اللي عنده مريض كلى يفهم قصدي) وغير الكورتيزون والكيماوي اللي اخذته قبل مااوصل لمرحلة الفشل الكلوي وتأثيرها سواء الجسدي او النفسي عليا وتأثير المرض على شكلي وشعري وكل هذا بكوم وتعب امي الله يعطيها الصحه والعافيه ويجزاها بالجنه بكوم..امي كانت مرافقه معايا في بدااية بداية مرضي وكانت حامل بأختي الوحيده..وكانت مرافقة كمان معايا فترة الــ 5 الشهور الاخيره بالمستشفى وكانت رجلها مكسوره وجبروها لها وحركتها صعبه يعني هيا يبغالها مرافق مو تكون مرافق.. غير كدا انه اختي الوحيده هذي وقت تنومي الاخير كان عمرها 13 سنه (هيا دحين 17 سنه) تركناها بالمدينه بسبب الدراسه يوم تكون بالبيت مع ابويا واخويا ويوم عند اخويا المتزوج ويوم عند خالتي.. 5 شهور نفسيتها كانت في الحضيض..يعني ضغط من كل جهه..وتعب ابويا واخواني طول هذي السنين بمراجعاتي وبكاء ابويا عليا وقهره على بنته بكره حتى اللي يزوروني كانوا يقولو كنا نبكي على ابوك ودموعه وهو يطلبهم يدعولي اكثر من حالتي وتعبي..وتأثير سمعي على نفسيتي كان اكثر من كل امراضي لانه شبه عزلني عن الناس وهز ثقتي بنفسي وانا الانسانه اللي كان معروف عني قوة شخصيتي واني احب الناس وانسانه اجتماعيه بس مااقول غير الحمدلله..
وطبعاَ مرضي حرمني من الحياه زي بقية الناس حرمني من ان يكون عندي بيت واكون ام لأنه صعب على مريضة تتزوج غير ان الكيماوي والفشل الكلوي يقلل الخصوبه ومن ثم الحمل حتى لو كنت متزوجه والزمني بجلسات غسيل 3 مرات بالاسبوع والتعب الحاصل بعدها..حرمني من اني اقبل التعاقد للتدريس حرمني من اني اكمل دراسه وادرس ماجستير حرمني من اني اسافر لاي مكان وبأي وقت لانه لازم ترتيب مواعيد للغسيل..غير الآلم اللي احسو بجسمي وضعفي بعد القوه..وغير وغير وغير..وارجع اقول الحمدلله وفرج الله قريب لامحاله..
وتخيلو في من الشيوخ من قال سحر لانه بداية مرضي بنزولي البحر غير عدم التوفيق لكل العائله واشياء ثانيه..بس والله برغم كل اللي عانيته وقهري على احلى سنين عمري وشبابي اللي راح..في خالة لوتأكدت انه سحر ومات هذا الانسان اللي سحرني مستحييييييل ادعي عليه بعدم الرحمه ..
ماانكر تجيني ايام ادعي من قلبي ان كان مافيا بفعل بشر وسحر وانا مااذيت احد..ادعي ربي انه يوريني نصري عليه اياً كان(مع اني مااجزم انه سحر) ويشوف العذاب الوان ويذوقه ربي اضعاف مرضي بس كل تفكيري بالدنيا بس جهنم خالد مخلد لا لا لا..لانه عند الموت ينتهي كل شي واني والله مااتمنى لأحد النار مهما اذاني وجوتي اقول قادر ربي بعوضني ان سامحت من ظلمني بأنه يسامحني ويتجاوز عني ويرفعني درجاااات بالجنه ومااتخيل اكون سعيده وانا اعرف انه في انسان يتعذب بقبره او بالاخره وممكن يكون سماحي ودعوتي له سبب برفع او تخفيف العذاب عنه..عشان كدا ترحمت على القذافي..
اتمنى تكونو فهمتو كلامي وعذرتوني ومعليش على اني طولت عليكم..بس حبيت اوضح لكم..
اسأل الله ان يعوض صبر الليبيين خير ويجعل القادم من الايام اجمل وكلها بركه وسعاده وازدهار ويرزقكم الحاكم العادل التقي..ويرحم امواتكم ويتقبلهم قبول حسن..وينزل على قلوب الاهالي الصير والسلون ويجزل لكم العطاء بالدنيا والأخره..
سامحوني اخواتي واتمنى مايكون في نفوسكم شي وتكونوا عذرتوني..ولاتحرموني دعواتكم جميعاَ بالهدايه والصحه والعافيه وصلاح الحال والعوض العوض فووووق مااتمنى بالدنيا والاخره..
احبكم جميعاً في الله ودمتم بخير..
اختكم..عمة ملوكي
عمةملوكي كاتبة الموضوع وجميع الاخوات الليبييات وجميع من قرأ تعليقي سابقاَ وماعجبوا.. اتأثرت جداَ بالحلقه الرابعه الجزء الثاني بكيت على الشهداء والامهات..اصعب شعور بالحياه الخوف وعدم الأمان..الحمدلله ايام وراحت وان شاء الله تكون ذكريات لأهل ليبيا …
الله يشفيك شفاءا لايغادر سقما ويلبسك لباس الصحة والعافية ويجعل كل مامررت به كفارة لك ولاهلك
والباين عليك طيبة وحنونة يااختي
والله اغبطك علي هذا السلوك
يعني بجد استغربت لو اكتشفت من سحرك واتدعي عليه كل هالمعاناة مش ساهلة عارفة انه قدر الله لكن الانسان يبقي ضعيف ومش كامل
بجد يعني شكلنا حنا الليبيين صرنا قاسيين وقسي قلوبنا القذافي بجد اللي صار في ليبيا واهلها مش هين الكل صار يدعي عليه ومايترحمو عليه من اللي سواه فيهم ياختي وزي مانت عارفة الجرح مازال جديد زي اللي متزوجة وتم اغتصابها وهي تتألم كل لحظة قدام زوجها وأهلها انا متأكدة انها تدعي علي القذافي وتتمناه يعيش في جحيم الاخرة زي ماخلاها تعيش في جحيم في هذه الدنيا قدام اهلها
الله يصلح احوالنا ويهدينا ويجعلنا من المسامحين يارب
معليشي حتي انت سامحينا ياختي كان ردينا عليك ردود قاسية بس مش منا من الحالة النفسية اللي عشناها طيلة 8 اشهر وزي ماقتلك الجروح مازالت جديدة
بارك الله فيك عالدعوات الطيبة اللي زيك
مواضيع مشابهة
تابعي تجارب أخرى من هذا القسم.