الملف العــــــــــــ 10ــــاشر لــ((خبرتي+خبرتك)) بمستشفيات المنطقه الشرقيه

متابعة النقاش، صفحة 231

شاركي في النقاش

سجلي الدخول لإضافة تعليق.

التعليقات

1,977
  1. @alfgralbaayd_5

    هلا فضوليه
    انا بخير ياقلبي وأكيد بيصير في نيو لوك بس انتظر اخلص نفاسي وبقص وبصبغ وناويه اتحنا
    وانا توي بعد كم يوم اكمل شهر
    ماتشوفين شر انتي طمنينا عليك وعلئ علالي


    رعوشه
    شخبارك والله ان برغم انشغالي الا لازم اطل عليكم اتطمن

    فنمي
    طمنينا عليك
    شولي
    شخبارك ياقلبي واهم شي توفقتي بالمستشفى
    ام خالد وام راشد وغلاوي وسيدةمودرن والبنات جميع من غير استثنا طمنوني عليكم
  2. @tmnyt_admh

    مساء الخير شخباركم الله يهون عليكم وعلي

    بنات انا بكريه وتو ساكنه الدمام واراجع عند مستشفى القاعدة الجويه بالظهران عند دكتور اسامه التهامي وخايفه اولد عندهم وماعرف عنهم شي ولااعرف احد جرب الولادة عندهم ياليت تعلموني شنو احسن المستشفيات للولادة وكم اسعارهم وترا ماعندي اي خبرة ابدااااااا بنظام التامين ياليت تفيدوني ماعرف شي عن المستشفيات ومدري كيف الولادة عند مستشفى القاعدة كويسه ولالا احس الحكومه يتعبون بالولادة مو مثل عنايه الخاص وانا ودي اولد بخاص تكفون علموني عشان ارتب ميزانيتي ...

    ويعطيكم العافيه مقدمااااااااااا....
  3. @alfgralbaayd_5

    هلا تمنيت اضمه
    ربي يهون عليك
    وبالنسبه للقاعدة اسمع انهم يمدحونه
    وبالنسبه للولادة بخاص ولاحكومي التساهيل من رب العالمين وحظك نصيب بالطاقم المناوب وقت الولادة
    وبالنسبه للتامين اخبر ان نظامهم اول سنه مايشمل الولادة
    والأسعار تختلف اتصلي وشوفي المستشفيات لان تغير الأسعار  
  4. @aasany_mabkyk

    تبارك الرحمن

    انا كنت افكر هالتجمع لوقت الولاده بس لكن يظهر تجمع حمل من البدايه لنهايه ههههههههههه

    انا بتجمع يوليو و اغسطس

    مالي الا شهر حامل لكن من الحين خذت هم الولاده هههههههههه

    بسالكم اقدر اطلع اسم الدكتوره اللي ولدتني واللي خدرتني !!

    لان كنت بكريه وعلى وجهي جيت للطوارى وبس

    كان معاي بس ممرضات لين آخر لحظه قربت طلعة البيبي دقو على دكتوره هنديه وشكلها حلييل وحيل فاهمه المهم خياطتها كانت ممتازه حسب مافحصت بعد الاربعين

    ماعلينا ودكتورة التخدير مااعرف اسمها بعد

    ودي اعرفهم عشان اطلبهم اذا اقدر ولا مو بكيفي الطلب !!

    لان نفسي اجرب بروكير هالمره تغيير ههههههه بس شفت تجارب اخوات هنا بهالمستشفى مع ابرة الظهر مش ولابد وتعبتهم وكذا

    انا ارتحت عليها جدااا فخايفه اضحي واجرب مستشفى ثاني واخرتها ماستفيد من الابررره ولا الخياطه

    ادري بدري ع الكلام هذا كللله

    بس من هنا لين ذاك الوقت

    اتمنى اقرى خلال هالتسع شهور تجارب اكثر

    بمستشفى المانع"الخبر" وبروكير

    ختاما

    الف مبروووك لكل اللي ولدووووووووووو خلال هالفتره

    بدايه بالفجر البعيد ونهايه بشولي < تتابعكم كل شوي بنات ديرتي وكيفي هع

    احترامي

تابعي تجارب أخرى من هذا القسم.