***حتى لا تقتلي طفلك لا سمح الله #الحسااااااسيه من الطعام***

انا ماعندي الا ولد واحد بكري الله يحفظه
ونفس هالحاله بس لاني بغربه مرتاحه كل شيء باشرافي ولاعمره اخذ دواء او وديته مستشفى
انا اشرف عليه اول باول واكله كله انا اجهزه له وعرفت من اول مره اعطيته بيض رجع على طول وجته حساسيه في وجه وداخ فقد توازنه
ومتنا رعب وديناه المستشفى وقالو لاخلاص متحسن مايحتاج ابره وبعدها خلاص انتبهت وصرت اقرأ ولان ابوي واخوي الصغير نفس الشيء فأمي علمتني على كل شيء
لكن مره بعزيمة عند عمتي ماادري ايش اعطوه الاطفال فطائر او كيك وجانا يمشي وهو دايخ على طول قلت لامي فيه شيء ولدي قالت لا ان شاء الله بس يمكن تعبان مع اللعب وشوي الا ولدي يرجع قلت لامي انا قلت لك فيه شيء واستمر ياخذ نفس ويرجع اربع مرات او 3 وبسرعه انتفخ فمه وورمت عيونه وصار جسم ولدي كل احمر من الحساسيه ولا يتكلم زي اللي مغمى عليه وانا وامي صرنا نبكي وعلى طول من العزيمة عالطواريء ودخلوه على طول اعطوه ابره حتى ماعبينا الاوراق ولا شيء والحمدلله مرت على خير واخذت درس قاسي بحياتي اني ماافارق ولدي بالعزيمة اذا عند الرجال ابوه يتابعه واذا عند الحريم انا اتابعه وامي وخواتي وصرت انبه الاطفال لا ااحد يعطيه شيء لاكيك ولا فطائر ولا حلى ولا بسكويت واقول لاقاربنا انه فيه حساسيه والحمدلله رب العالمين على كل حال
اسال الله العظيم رب العرش العظيم ان يشفي ولدك وولدي وجميع اطفال المسلمين ويحفظهم من كل شر
ووالدي واخوي صارو ياكلون الكيك والفطائر عادي ومايسبب لهم شيء لكن مايكثرون وامي تقول ان كل مايكبر كل مايتحسن ويخف